Salaar Day 3 Collections:బ‌క్సాఫీస్ వ‌ద్ద ప్ర‌భాస్ `స‌లార్‌` ర్యాంపేజ్

Salaar Day 3 Collections:పాన్ ఇండియా స్టార్ ప్ర‌భాస్ బాక్సాఫీస్‌కు ఓ డైనోసార్ అని `స‌లార్‌` మ‌రోసారి నిరూపించింది. ప్ర‌శాంత్ నీల్ డైరెక్ష‌న్‌లో అత్యంత భారీ స్థాయిలోరూపొందిన ఈ సినిమా వ‌ర‌ల్డ్ వైడ్‌గా డిసెంబ‌ర్ 22న ఐదు భాష‌ల్లో విడుద‌లైన విష‌యం తెలిసిందే. ఫ‌స్ట్ డేనే రికార్డు స్థాయి వ‌సూళ్ల‌ని రాబ‌ట్టి ట్రేడ్ వ‌ర్గాల్లో సంచ‌ల‌నం సృష్టించిన ఈ సినిమా రెండ‌వ రోజు కూడా అదే హ‌వాని కొన‌సాగించింది. రెండు రోజుల్లో ప్ర‌పంచ వ్యాప్తంగా రూ.295 కోట్లు రాబ‌ట్టి ఔరా అనిపించింది.

ఫ్రైడే థియేట‌ర్ల‌లోకి వ‌చ్చేసిన ఈ సినిమాకు వీకెండ్ కూడా బాగ ఆక‌లిసి రావ‌డంతో వ‌సూళ్ల సునామీని సృష్టిస్తోంది. మూడు రోజుల్లోనూ ప్ర‌పంచ వ్యాప్తంగా రూ.400 కోట్ల‌కు మించి వ‌సూళ్ల‌ని అధిగ‌మించ‌డం విశేషం. ప్ర‌భాస్ క‌టౌట్‌కి త‌గ్గ సినిమా ప‌డి చాలా కాలం అవుతోంది. అప్పెడెప్పుడో `బాహుబ‌లి` ఇర‌గ‌దీసింది. ప్ర‌భాస్ లోని హీరోయిజాన్ని పూర్తిగా ఎలివేట్ చేస్తూ సిన‌మా ప‌డి చాలా కాలం అవుతుండ‌టం, `బాహుబ‌లి` త‌రువాత వ‌చ్చిన సినిమాల్లో ఆ స్థాయి పాత్ర‌లో ప్ర‌భాస్ న‌టించ‌క‌పోవ‌డంతో అభిమానులు కూడా చాలా ఆక‌లితో ఎదురు చూశారు.

`సాహో`, రాధేశ్యామ్‌`, ఆదిపురుష్` సినిమాలు పెద్ద‌గా రాణించ‌క‌పోవ‌డంతో అంద‌రి దృష్టి `స‌లార్‌`పై ప‌డింది. దీంతో స‌లార్ క‌చ్చితంగా రికార్డులు సృస్టిస్తుంద‌ని, వ‌సూళ్ల సునామీని క్రియేట్ చేస్తుంద‌ని ట్రేడ్ వ‌ర్గాల‌తో పాటు అభిమానులు భావించారు. అందుకు త‌గ్గ‌ట్టుగానే డే వ‌న్ నుంచే స‌లార్ దుమ్ముదులిపేస్తోంది.

తొలి రోజు రూ. 178.7 కోట్లు రాబ‌ట్ట‌గా, రెండ‌వ రోజుకు ఈ ఫిగ‌ర్ ఏకంగా రూ.295.7 కోట్ల‌కు చేరింది. ఇక మూడ‌వ రోజుకు వ‌చ్చేసే స‌రికి వ‌సూళ్ల భీభ‌త్సాన్ని సృష్ఇస్తూ `స‌లార్‌` మూడు రోజుల్లో ప్ర‌పంచ వ్యాప్తంగా రూ.402 కోట్లు రాబ‌ట్టి ఆశ్చ‌ర్య‌ప‌రిచింది. రెండు వారాల్లోనే ఈ సినిమా రూ.1000 కోట్ల మార్కుని చేర‌డం ఖాయం అని ట్రేడ్ వ‌ర్గాలు అంటున్నాయి.