Sai Pallavi : పీఆర్ టీంపై వర్థమాన బాలీవుడ్ నటికి షాక్ ఇచ్చిన సాయి పల్లవి.. ఏమన్నారంటే..?

Sai Pallavi

Sai Pallavi : శివ కార్తికేయన్-సాయిపల్లవి జంటగా రాజ్ కుమార్ పెరియసామి దర్శకత్వంలో తెరకెక్కబోతున్న చిత్రం ‘అమరన్’. దీపావళి కానుకగా అక్టోబర్ 31న ప్రపంచ వ్యాప్తంగా విడుదల కానుంది. ప్రస్తుతం అమరన్ టీం ఈవెంట్స్ నిర్వహిస్తూ తమిళ యూ ట్యూబ్ ఛానల్స్ కు ఇంటర్వ్యూలు ఇస్తూ సినిమాను ప్రమోట్ చేస్తోంది.

ప్రమోషన్ లో భాగంగా సాయి పల్లవి ఓ యూ ట్యూబ్ ఛానల్ కు ఇంటర్వ్యూ ఇచ్చింది. ఇందులో సాయి పల్లవి ఓ బాలీవుడ్ నటితో జరిపిన సంభాషణ వైరల్ గా మారింది. ఆ ఇంటర్వ్యూలో సాయి పల్లవి ఒక వర్ధమాన బాలీవుడ్ నటితో మాట్లాడింది. సాయి పల్లవికి పీఆర్ టీమ్ ఉండాలని సలహా ఇచ్చింది. దీని ద్వారా ఎప్పుడూ ట్రెండీగా సోషల్ మీడియాలో వెలుగులో ఉండవచ్చని సూచించింది.

అందుకోసం పీఆర్ టీం ఎందుకు అవసరం, నేను సినిమాలు చేస్తున్నాను, సినిమాల ప్రమోషన్ కోసం ఈవెంట్స్ లో పాల్గొంటాను, ఇంటర్వ్యూలు ఇస్తాను, అలాంటప్పుడు పీఆర్ టీం అవసరం ఏముంది, నాకు వద్దు అని సాయి పల్లవి అన్నట్లు తెలుస్తోంది. పీఆర్ టీమ్ గురించి బాలీవుడ్ నటికి ఎలాంటి సమాచారం లేదని, పీఆర్ టీమ్ అవసరం కూడా తనకు తెలియదని సాయిపల్లవి అన్నారు.

ఇది ఇప్పుడు వైరల్ గా మారింది. స్పాట్ లైట్ లో ఉండేందుకు పీఆర్ టీం లేకుండా సాయి పల్లవి తీసుకున్న సాహసోపేత చర్యను అందరూ ప్రశంసిస్తున్నారు. అలాగే, ఆమె బాలీవుడ్ నటి పేరును ప్రస్తావించకపోవడంతో అది ఎవరో తెలుసుకోవాలని ప్రేక్షకులు ఉవ్విళ్లూరుతున్నారు.