Sai Pallavi : పాత కాలంలో మహానటి సావిత్రి, క్రితం వరకు ఉన్న సౌందర్య లాంటి క్రేజ్ ను సంపాదించుకుంది సాయిపల్లవి. ఆమె సినిమాలు వందల కోట్లు కలెక్షన్లు సాధించుకుంది లేదు. జాతీయ ఉత్తమ నటి అవార్డులను కూడా అందుకోలేదు. కానీ రెమ్యునరేషన్ విషయంలో స్టార్ హీరోయిన్లను బీట్ చేసింది.
గ్లామర్ తో తిరుగులేని స్టార్లు కావచ్చని అనుకుంటున్న నేతి తరానికి ఆమె స్ఫూర్తిగా నిలుస్తుంది. గ్లామర్‌కు అతీతంగా నటిస్తూ.. స్టార్ హీరోలను సైతం తన ఫ్యాన్స్ లిస్ట్ లో వేసుకుంటుంది.
సాయి పల్లవి ఉంటే చాలు.. హీరోల రేంజ్‌లో క్రేజ్ వస్తుంది. థియేటర్లు ఈలలు, గోలలతో దద్దరిల్లిపోతుంది. సుకుమార్ కూడా సాయి పల్లవి క్రేజ్ చూసి ‘లేడీ పవర్ స్టార్’ అనే ట్యాగ్ ఇచ్చాడంటే ఆమె ఎంతలా ఇంపాక్ట్ చూపిందో స్పెషల్ గా చెప్పనవసరం లేదు.
సాయి పల్లవి ఎంచుకున్న పాత్రలు, ఆమె సినిమాలు ఫ్యాన్స్ పై బాగా ప్రభావం చూపాయి. ఫ్యామిలీ ఆడియన్స్ సైతం ఆనందంగా చూసే సినిమాలను తీస్తుంటుంది. ఆన్ స్క్రీనే కాదు ఆఫ్ స్క్రీన్‌ లో కూడా సాయి పల్లవి పద్ధతిగా, చక్కటి గుణాలు ఉన్న అమ్మాయిలా కనిపిస్తుంది.
ప్రస్తుతం ఆమె చేతిలో ‘తండేల్’తో పాటు ‘రామాయణం’ ఉన్నాయి. నాగ చైతన్య హీరోగా నటిస్తున్న ’తండేల్‘ దాదాపు 100 కోట్ల భారీ బడ్జెట్‌తో తెరకెక్కుతోంది. ఇందులో బుజ్జి రోల్ చేస్తున్నట్లు తెలుస్తోంది. దీంతో పాటు బాలీవుడ్ రామాయణంలో సీత పాత్రలో కనిపించబోతోంది.
ఇప్పటికే ఈమె లుక్ బయటకు వచ్చింది. సీత రోల్‌కు పర్‌ఫెక్ట్ ఛాయిస్‌లా కనిపించింది. మాములుగానే సాయి పల్లవి ఫేస్‌లో కళ ఉంటుంది. అలాంటిది సీత పాత్రలో చూసే సరికి ఫ్యాన్స్ మరింత ఆరాధిస్తున్నారు.
రామాయణం కోసం సాయి పల్లవి తీసుకుంటున్న రెమ్యునరేషన్ హాట్ టాపిక్‌గా మారింది. అక్షరాల రూ.50 కోట్లు తీసుకుంటుందని తెలుస్తోంది. అంత పెద్ద మొత్తంలో పారితోషికం తీసుకోవడం వెనక పెద్ద కారణం కూడా ఉందని తెలుస్తోంది.
రామాయణం సినిమాను మూడు భాగాలుగా తెరకెక్కిస్తున్నారు. ఈ లెక్కన సీత పాత్ర అయిన సాయి పల్లవి నుంచి బల్క్ డేట్స్ కావాలి. కనీసం రెండేళ్ల వరకు ఈ సినిమా తప్పితే మరో సినిమాకు డేట్స్ ఇవ్వలేదు. పైగా సీత పాత్ర కాబట్టి.. అదే ట్రాన్స్‌లో ఉండాలని సాయి పల్లవి కూడా మరో సినిమాకు గ్రీన్ సిగ్నల్ ఇవ్వలేదు.
కేవలం రెమ్యునరేషన్ తప్పితే.. నిర్మాత నుంచి రూపాయి కూడా ఖర్చుపెట్టనీయదట. తన ఫుడ్ నుంచి మేకప్ మ్యాన్, తన కోసం పని చేసే వాళ్లకు కూడా తానే జీతాలు ఇచ్చుకుంటుందట. ప్రమోషన్లు కూడా అదే రెమ్యునరేషన్‌లోనే చేస్తుందట. ఈ విషయం తెలిసిన పలువురు నెటిజన్లు సాయి పల్లవి గ్రేట్ అంటూ కామెంట్స్ చేస్తున్నారు.