Rumors put in check Pushpa 2-Kalki Makers.
Pushpa 2-Kalki : మన టాలీవుడ్ లో తెరకెక్కుతున్న పాన్ ఇండియన్ చిత్రాలలో అన్నీ ఇండస్ట్రీలకు చెందిన ఆడియన్స్ ఎంతో ఆతృతగా ఎదురు చూస్తున్న సినిమాల లిస్ట్ తీస్తే స్టైలిష్ స్టార్ అల్లు అర్జున్ పుష్ప 2 , మరియు యంగ్ రెబెల్ స్టార్ ప్రభాస్ హీరో గా నటించిన ‘కల్కి’ చిత్రాలు కచ్చితంగా ఉంటాయి. ఈ రెండు సినిమాలు వాయిదా పడబోతున్నట్టు గత కొద్ది రోజుల నుండి సోషల్ మీడియా లో ఒక పుకారు తెగ షికారు చేసింది. దీనిపై నిర్మాతలు క్లారిటీ ఇచ్చారు. ముందుగా పుష్ప 2 మేకర్స్ ఒక పోస్టర్ ని అప్లోడ్ చేస్తూ మరో 200 రోజుల్లో మీ ముందుకు రాబోతున్నాము అంటూ చెప్పుకొచ్చింది.
అంటే ఆగష్టు 15 వ తారీఖున ఈ సినిమా ఎట్టి పరిస్థితిలో విడుదల కాబోతుంది అన్నమాట. ఈ సినిమా తర్వాత కల్కి చిత్రం కూడా మే 9 వ తేదీన విడుదల అవ్వడం లేదంటూ ఒక రూమర్ వచ్చింది. దీనిపై నిర్మాత అశ్వినీదత్ స్పందిస్తూ, అలాంటిది ఏమి లేదని, సినిమా షూటింగ్ మొత్తం అయిపోయిందని, ప్రస్తుతం సెకండ్ హాఫ్ కి సంబంధించిన ఎడిటింగ్ వర్క్ జరుగుతుంది అంటూ ఒక ఇంటర్వ్యూ లో చెప్పుకొచ్చాడు. దీంతో సోషల్ మీడియా లో ప్రచారమైన రూమర్స్ కి చెక్ పడింది.