Yadadri Temple
Yadadri Temple : యాదాద్రి శ్రీలక్ష్మీ నరసింహా ఆలయానికి రూ.4 కోట్లకు పైగా ఆదాయం వచ్చింది. సుప్రసిద్ధ పుణ్యక్షేత్రం యాదాద్రికి భక్తుల రద్దీ రోజురోజుకు పెరుగుతోంది. వేసవి సెలవులు పూర్తి కానుండడంతో వివిధ ప్రాంతాల నుంచి భక్తులు వస్తున్నారు. దీంతో ఆలయ పరిసరాలు కిక్కిరిసిపోతున్నాయి. ఆలయంలో హుండీ ఆదాయం భారీగా లభించింది. మంగళవారం సత్యనారాయణ స్వామి వ్రత మండపంలో 35 రోజులకు సంబంధించి హుండీ లెక్కింపును ఆలయ అధికారులు చేపట్టారు.
స్వామివారికి కానుకల రూపంలో రూ.3,93,88,092ల నగదు, 174 గ్రాముల బంగారం, ఏడు కిలోల వెండి సమకూరినట్లు ఆలయ ఈవో భాస్కర్ రావు తెలిపారు. వివిధ దేశాలకు సంబంధించిన కరెన్సీ నోట్లను కూడా భక్తులు స్వామివారికి సమర్పించినట్లు చెప్పారు. మొత్తంగా యాదాద్రి ఆలయానికి రూ.4 కోట్లకు పైగా హుండీ ఆదాయం వచ్చినట్లు చెప్పారు.