Rowdy sheeter : రౌడీషీటర్ దాడి.. జర్నలిస్టుకు తీవ్ర గాయాలు

Rowdy sheeter

Rowdy sheeter : రంగారెడ్డి జిల్లా మైలార్ దేవ్ పల్లిలో రౌడీషీటర్ సోహెల్ అతని అనుచరులు రెచ్చిపోయారు. అర్ధరాత్రి యూట్యూబ్ ఛానెల్ రిపోర్టర్ మూబిన్ పై కత్తితో దాడి చేశారు. అడ్డుకోబోయిన వారిపై కూడా దాడిచేశారు. ఈ దాడిలో మూబిన్ తీవ్రంగా గాయపడ్డాడు. అతని తలకు తీవ్ర గాయాలయ్యాయి. వెంటనే అతన్ని ఉస్మానియా హాస్పిటల్ కు తరలించారు. ఇప్పుడు తప్పించుకున్నా.. ఎప్పటికైనా చంపేస్తానంటు సోహెల్ హెచ్చరించాడు.

సోహెల్ అతని అనుచరుల అరాచకాలను యూట్యూబ్ ఛానల్ లో టెలిక్యాస్ట్ చేసినందుకు రిపోర్టర్ పై సోహెల్ గ్యాంగ్ పగబట్టింది. యూట్యూబ్ నుంచి తమకు సంబంధించిన లింక్ తీసివేయకపోతే చంపుతానని బెదిరించారు. అయినా వార్తకు సంబంధించిన లింక్ ను మూబిన్ తొలగించలేదు. దీంతో మూబిన్ పై దాడి చేశారు.

రౌడీషీటర్ సోహెల్ పై చర్యలు తీసుకోవాలని రిపోర్టర్ మూబిన్ డిమాండ్ చేస్తున్నాడు. అతనికి జర్నలిస్టు సంఘాలు మద్దతు పలికాయి. దాడి ఘటనపై బాధితుడు మూబిన్ ఫిర్యాదు చేశాడు. మైలార్ దేవ్ పల్లి పోలీసులు కేసు నమోదు చేసి దర్యాప్తు చేస్తున్నారు.