Roja
Roja : తనను సెల్ఫీ అడిగిన పారిశుధ్య కార్మికులను దగ్గరకు రావొద్దన్న వైసీపీ నాయకురాలు, మాజీ మంత్రి రోజా వీడియో ఒకటి సోషల్ మీడియాలో వైరలవుతోంది. తమిళనాడులోని తిరుచెందూర్ మురుగన్ ఆలయాన్ని సోమవారం రోజా, ఆమె భర్త దర్శకుడు ఆర్కే సెల్వమణి సందర్శించారు. ఈ సందర్భంగా ఆలయంలో క్లీనింగ్ పనులు చేస్తున్న ఇద్దరు మహిళా సిబ్బంది సెల్ఫీ తీసుకునేందుకు యత్నించగా రోజా వారిని దూరంగా ఉండాలని సూచించింది. ఈ వీడియో సోషల్ మీడియాలో వైరల్ గా మారింది.
ఆలయంలో దర్శనానంతరం పలువురు భక్తులు, ఆలయ సిబ్బంది రోజా దంపతుల వద్దకు వచ్చి సెల్ఫీలు దిగారు. అదే సమయంలో ఆలయంలో పనిచేసే ఇద్దరు పారిశుధ్య సిబ్బంది రోజాను సెల్ఫీ కోసం సంప్రదించగా వారిని దూరంగా ఉండమని సూచించడం వీడియోలో కనిపించింది. మహిళా కార్మికులు తమ వెనుక చేతులు పట్టుకుని రోజాతో సెల్ఫీకి ఫోజులిచ్చారు. ఈ వీడియో వైరల్ కావడంతో నెటిజన్లు విమర్శిస్తున్నారు.