Karimnagar News : కరీంనగర్ జిల్లాలో రోడ్డు ప్రమాదం.. నవ వధువు మృతి

Karimnagar News

Karimnagar News : కరీంనగర్ జిల్లాలో జరిగిన రోడ్డు ప్రమాదంలో నవ వధువు మృతి చెందిన ఘటన విషాదం నింపింది. జనగామ జిల్లా నర్మెట్ట మండలం వెల్డండ గ్రామానికి చెందిన గూటం యాదగిరి కుమార్తె స్వాతి (26)కు హనుమకొండకు చెందిన తిలక్ తో ఈ నెల 21న ఆదివారం వివాహం జరిగింది. సోమవారం వధూవరులు వారి తల్లదండ్రులు కలిసి హనుమకొండ నుంచి వేములవాడకు దైవ దర్శనానిక వెళ్లున్న క్రమంలో కరీంనగర్ జిల్లా మానకొండూరు మండలం గట్టుదుద్దెనపల్లి వద్ద కారు అదుపుతప్పి కల్వర్టు కిందికి దూసుకుపోయింది.

ఈ ప్రమాదంలో కారులో ఇరుక్కున్న వారిని స్థానికులు, పోలీసులు బయటికి తీసి 108 వాహనంలో కరీంనగర్ ఆసుపత్రికి తరలించారు. తలకు తీవ్ర గాయమైన స్వాతి చికిత్స పొందుతూ బుధవారం మృతి చెందడంతో కుటుంబ సభ్యుల రోదనలు మిన్నంటాయి.