Ritu Verma : ‘స్వాగ్’పై ఆశలు పెట్టుకున్న రీతూ వర్మ.. ఏ మేరకంటే?

Ritu Verma

Ritu Verma : వరుడు కావలెనుతో పాటు కొన్ని చిత్రాల్లో నటించిన టాలీవుడ్ స్టార్ హీరోయిన్  రీతూ వర్మకు సరైన గుర్తింపు ఇప్పటి వరకు దక్కలేదు. ఆమె నటించిన కొన్ని సినిమాలు బాక్సాఫీస్ వద్ద మంచి ఓపెనింగ్స్ ఇచ్చాయి. అయినా కూడా ఆమెకు అంతగా గుర్తింపు రాలేదు. ప్రస్తుతం ఆమె ‘స్వాగ్’లో నటిస్తుంది. ఇంకా ఆమె చేతిలో కొన్ని ప్రాజెక్టులు ఉన్నాయని చెప్తోంది.

శ్రీవిష్ణు సరసన రీతూ వర్మ హీరోయిన్ గా నటిస్తున్న తాజా చిత్రం ‘స్వాగ్’. ఓ ఇంటర్వ్యూలో ఆమె మాట్లాడుతూ ఈ సినిమా కాన్సెప్ట్, స్క్రిప్ట్ లో రిచ్ గా ఉందని తెలిపింది. ఆమె మాట్లాడుతూ ‘ఇదొక విలక్షణమైన సినిమా, నా పాత్ర అద్భుతంగా ఉంటుంది. ఇప్పుడు నా నిజమైన నటనా ప్రతిభను ప్రజలు గుర్తిస్తారు. ఈ సినిమా నా కెరీర్ కు పెద్ద బూస్ట్ ఇస్తుందనే నమ్మకం ఉంది’ అని చెప్పుకచ్చారు.

హషిత్ గోలి దర్శకత్వంలో స్వాగ్ రూపుదిద్దుకుంటోంది. స్వాగ్‌కు పీపుల్ మీడియా ఫ్యాక్టరీ ఆధ్వర్యంలో TG విశ్వ ప్రసాద్ మద్దతునిస్తున్నారు, వివేక్ కూచిభొట్ల సహ నిర్మాతగా ఉన్నారు.

విక్రమ్, శర్వానంద్, విజయ్ దేవరకొండ వంటి పాపులర్ స్టార్స్ తో నటించిన రీతూ వర్మ తన స్థానాన్ని సుస్థిరం చేసుకునేందుకు ఇంకా పెద్ద బ్లాక్ బస్టర్ కోసం ఎదురుచూస్తోంది. అయితే ఆమెకు ఆ రేంజ్ లో బ్లాక్ బస్టర్ మాత్రం రావడం లేదు. ఈ స్వాగ్ మంచి బ్లాక్ బస్టర్ అవుతుందని అనుకుంటుంది. మూవీ రిలీజ్ అయ్యాక తెలుస్తుంది.