Jai Hanuman : జై హనుమాన్ లో హనుమంతుడిగా రిషబ్ శెట్టి

Jai Hanuman as Rishabh Shetty : కాంతార సినిమాతో బాక్సాఫీస్ వద్ద రిషబ్ శెట్టి పేరు మారుమోగిన సంగతి తెలిసిందే. తక్కువ బడ్జెట్ తో తెరకెక్కి బాక్సాఫీసు వద్ద 300 కోట్లకు పైగా వసూలు చేసింది. కేవలం 16 కోట్ల బడ్జెట్ తో రూపొందిన ఈ సినిమా ఈ స్థాయిలో కలెక్షన్లు సాధించడం అంత ఈజీ కాదు. రిషబ్ శెట్టి ప్రస్తుతం కెరీర్ పరంగా కాంతార ప్రీక్వెల్‌తో బిజీగా ఉన్న సంగతి తెలిసిందే. అయితే జై హనుమాన్‌లో హనుమంతుడిగా రిషబ్ శెట్టి నటించనున్నాడని వార్తలు వచ్చాయి. వైరల్ అవుతున్న ఈ వార్త నిజమైతే ఫ్యాన్స్ ఖుషీ అవుతారు. మరోవైపు ఈ ఏడాది థియేటర్లలో విడుదలైన హనుమాన్ సినిమా అంచనాలకు మించి కలెక్షన్లు రాబట్టిన సంగతి తెలిసిందే. జై హనుమాన్ సినిమాపై భారీ అంచనాలు నెలకొని ఉండగా ఈ సినిమా కాస్టింగ్ విషయంలో చాలా జాగ్రత్తలు తీసుకుంటున్నారు.