CM Revanth Viral Video : అన్నంత పనిచేసిన రేవంత్ రెడ్డి.. వీడియో వైరల్

CM Revanth Viral Video

CM Revanth Viral Video : తెలంగాణ లోక్ సభ పోరులో జాతీయ పార్టీలు బీజేపీ, కాంగ్రెస్ సత్తా చాటాయి. తెలంగాణ లోకల్ పార్టీగా చెప్పుకునే బీఆర్ఎస్ కు ఘోర పరాజయం తప్పలేదు. అంతకుముందు అసెంబ్లీ ఎన్నికల్లో ఓడిపోయిన ఆ పార్టీ..తాజాగా ఎంపీ ఎన్నికల్లో ఏమాత్రం ప్రభావం చూపకపోవడంతో ఆ పార్టీ శ్రేణులు నైరాశ్యంలో పడ్డాయి. నేతలైతే కౌంటింగ్ కేంద్రాల నుంచే ఎప్పుడో వెళ్లిపోయారు.

ఎంపీ ఎన్నికల్లో సత్తా చాటి అసెంబ్లీ ఎన్నికల్లో జరిగిన పరాభావం ఉపశమనం పొందాలనుకున్న ఆ పార్టీ అధినేత కేసీఆర్, వర్కింగ్ ప్రెసిడెంట్ కేటీఆర్ భావించారు.  ఎన్నికల ప్రచారాన్ని హోరాహోరీగానే నిర్వహించారు. ఆ క్రమంలో కేటీఆర్.. రేవంత్ రెడ్డిపై తీవ్ర విమర్శలకు దిగారు. దీంతో రేవంత్ రెడ్డి ఎన్నికల ప్రచారంలో భాగంగా కేటీఆర్ కు సవాల్ విసిరారు. తెలంగాణలో ఒక్క సీటు కూడా గెలువలేవు బిడ్డా.. అంటూ శపథం చేశారు.

ఇవాళ ఎన్నికల ఫలితాలు దాదాపు పూర్తికావొచ్చాయి. రాష్ట్రంలోని 17 ఎంపీ సీట్లకు గాను కాంగ్రెస్ కు 8, బీజేపీకి 8, ఎంఐఎంకు 1 లభించాయి. అయితే పదేళ్లు అధికారంలో ఉన్న బీఆర్ఎస్ ఒక్క స్థానంలో కూడా విజయం సాధించకపోవడంతో..కాంగ్రెస్ శ్రేణులు సోషల్ మీడియాలో రేవంత్ వీడియోను వైరల్ చేస్తున్నారు. ‘‘అన్నంత పనిచేసినవుగా అన్న..’  అంటూ కామెంట్స్ పెడుతున్నారు. ఎన్నికల ప్రచారంలో రేవంత్ చేసిన బీఆర్ఎస్, కేటీఆర్ ను ఉద్దేశించి చేసిన వీడియో ఇప్పుడు హల్ చల్ చేయడం గమనార్హం. కేంద్రంలో బీజేపీకి ఇండియా కూటమి గట్టి పోటీ ఇస్తున్న విషయం తెలిసిందే. ఈ నేపథ్యంలో తెలంగాణలో కాంగ్రెస్ 8 సీట్లు సాధించడానికి రేవంత్ చేసిన కృషిని ఆ పార్టీ క్యాడర్ సోషల్ మీడియాలో విస్తృతంగా ప్రచారం చేస్తోంది. కేసీఆర్, కేటీఆర్ కు రేవంత్ చుక్కలు చూపిస్తున్నాడని కాంగ్రెస్ శ్రేణులు సంబరాలు చేసుకుంటున్నాయి.

అన్నంత పని చేసినవ్ గా అన్న 🔥🔥🔥 pic.twitter.com/2mGrX0GNSi

— Revanth Sainyam Telangana (@Revanth_Sainyam) June 4, 2024