Revanth Reddy:తెలంగాణ నూత‌న సీఎంగా రేవంత్ రెడ్డి గురువారం మ‌ధ్యాహ్నం ప్ర‌మాణ స్వీక‌రాం చేయ‌నున్నారు. ఈ నేథ్యంలో ఏఐసీసీ నేత‌లు, కాంగ్రెస్ పాలిత రాష్ట్రాల ముఖ్య‌మంత్రులతో పాటు ఇత‌ర రాష్ట్రాల ముఖ్య‌మంత్రులు, మాజీ సీఎంలు, వివిధ పార్టీల నేత‌ల‌కు టీపీసీసీ ప్ర‌త్యేకంగా ఆహ్వానాలు పంపింది. ఏపీ సీఎం జ‌గ‌న్, తెలంగాణ మాజీ ముఖ్య‌మంత్రి కేసీఆర్‌, త‌మిళ‌నాడు సీఎం స్టాలిన్‌, టీడీపీ అధినేత చంద్ర‌బాబు నాయుడుల‌ను ఆహ్వానించారు.
ఏఐసీసీ అధ్య‌క్షుడు మ‌ల్లికార్జున ఖ‌ర్గేతో పాటు కాంగ్రెస్ అగ్ర‌నేత‌లు సోనియాగాంధీ, రాహుల్ గాంధీ, ప్ఇయాంక‌ల‌ను రేవంత్ రెడ్డి ఢిల్లీ వెళ్లి స్వ‌యంగా ఆహ్వానించారు. క‌ర్ణాటక సీఎం సిద్ధ రామ‌య్య, డిప్యూటీ సీఎం డీకె శివ‌కుమార్ ఆ రాష్ట్ర మంత్రుల‌కు ఆహ్వానాలు పంపారు. సీనియ‌ర్ నేత‌లు చిదంబ‌రం, అశోక్ గెహ్లాత్‌, దిగ్విజ‌య్ సింగ్‌, వీర‌ప్ప మెయిలీ, మీరా కుమార్, కుంతియా, భూపేష్ బ‌ఘేల్‌, అశోక్ చ‌వాన్‌, వాయ‌లార్ ర‌వి, సుశీల్ కుమార్ శిందే, మాణికం ఠాకూర్‌, కురియ‌న్‌ల‌ను ప్ర‌మాణ స్వీకారానికి ఆహ్వానించారు.
వీరితో పాటు తెలంగాణ అమ‌ర‌వీరుల కుటుంబాల‌కు ఆహ్వానాలు పంపారు. తెలంగాణ జ‌న‌స‌మితి అధ్య‌క్షుడు ప్రొఫెస‌ర్ కోదండ‌రామ్‌, గాదె ఇన్న‌య్య, ప్రొఫెస‌ర్ హ‌ర‌గోపాల్‌, కంచె ఐల‌య్య‌ల‌తో పాటు వివిధ కుల సంఘాల నేత‌ల‌ను ఆహ్వానించారు. ప్ర‌మాణ స్వీకారానికి రావాల్సిందిగా ప‌లువురు సినీ ప్ర‌ముఖుల‌కు కూడా కాంగ్రెస్ పార్టీ త‌రుపున ఆహ్వానాలు పంపారు.