Venu Swamy : ప్రముఖ జ్యోతిష్యుడు వేణు స్వామి ఆ బిగ్ బాస్ బ్యూటీ తో ఇంత నడిపాడా!

big boss Inaya Sultana shared photos with venu swamy

Venu Swamy : ప్రముఖ రాజకీయ నాయకులు మరియు సినీ ప్రముఖుల జాతకాల్లోని దోషాలను చెప్తూ పాపులారిటీ ని సంపాదించిన ప్రముఖ జ్యోతిష్యుడు వేణు సామీ ని బలంగా నమ్మేవాళ్ళు ఉన్నారు. అలాగే ఇతను ఒక దొంగ జ్యోతిష్యుడు అని తిట్టేవాళ్ళు కూడా ఉన్నారు. కానీ ఇతని చెప్పినవి కొన్ని నిజంగా జరగడం తో పలువురు టాప్ సెలబ్రిటీస్ ఈయన్ని నిజంగానే నమ్మడం ప్రారంభించారు. అనేక పూజలు చేయించారు.

రష్మిక మందన, డింపుల్ హయాతి, నిధి అగర్వాల్ వంటి హీరోయిన్లు పూజాలు చేయించారు. దానికి సంబంధించిన ఫోటోలు కూడా సోషల్ మీడియా లో బాగా వైరల్ అయ్యాయి. అలా చిన్నగా తెలుగు సినిమా ఇండస్ట్రీ లో వేణు స్వామి ని నమ్మే వారి సంఖ్య రోజురోజుకి పెరిగిపోతూ ఉంది. రీసెంట్ గా ఆ లిస్ట్ లోకి ప్రముఖ బిగ్ బాస్ బ్యూటీ ఇనాయ సుల్తానా కూడా చేరింది. పలు సినిమాల్లో హీరోయిన్ గా నటించిన ఇనాయ, బిగ్ బాస్ హౌస్ లోకి అడుగుపెట్టిన తర్వాత ఆడపులి లాగ విరుచుకుపడుతూ ఆడింది.

మొదటి వారం లోనే ఎలిమినేట్ అవ్వాల్సిన ఇనాయ సుల్తానా, చివరి వారం వరకు బిగ్ బాస్ హౌస్ లో ఆడుతూ వచ్చింది. అయితే బిగ్ బాస్ రియాలిటీ షో ద్వారా మంచి క్రేజ్ వచ్చేసింది. ఇక ఇండస్ట్రీ లో మనకి తిరుగు లేదు అనుకుంటే పెద్ద పొరపాటే. ఇనాయ విషయం లో కూడా అదే జరిగింది. బిగ్ బాస్ హౌస్ నుండి బయటకి వచ్చిన తర్వాత ఆమెకి అవకాశాలు బాగా వస్తాయని అనుకుంది. కానీ సినిమా ఆఫర్స్ కంటే ఎక్కువగా బుల్లితెర సీరియల్స్ లో అవకాశాలు వచ్చాయి. ఇంత పెద్ద రియాలిటీ షో లో పాల్గొని చీప్ గా సీరియల్స్ చెయ్యడం ఏమిటి అని చాలా వరకు సీరియల్స్ ని ఆమె రిజెక్ట్ చేసిందట. దాని ప్రభావం ఇనాయ పై చాలా బలంగా పడింది.

ఇప్పుడు ఆమెకి ఒక పక్క సీరియల్స్ లేవు, మరోపక్క సినిమాలు లేవు. ఏ ఎంటర్టైన్మెంట్ షో కి కూడా ఆమెని పిలవడం లేదు. ఒక్కసారిగా కెరీర్ గడ్డుకాలం లోకి చేరడం తో శాంతి పూజలు చేయించడానికి వేణు స్వామి ని కలిసింది. శాంతి పూజలు కూడా చేయించుకుంది. నేడు వేణు స్వామి పుట్టినరోజు అవ్వడం తో ఆయనకీ శుభాకాంక్షలు తెలియచేస్తూ ఆయనతో కలిసి దిగిన కొన్ని ఫోటోలను సోషల్ మీడియా లో షేర్ చేసింది. ఇది చూసిన నెటిజెన్స్ పలు రకాలుగా కామెంట్స్ చేస్తున్నారు.