MS Dhoni
MS Dhoni :ఎంఎస్ ధోని..ఈ పేరు చెప్పగానే మనకు పాత ధోని గుర్తుకొస్తాడు. మెడ వరకు వేలాడే జుట్టు, బలమైన దేహం, అద్దిరిపోయే సిక్స్ లు..ఇలా క్రీజ్ లోకి వచ్చాడంటే ధనాధనే. కానీ కెప్టెన్ అయిన తర్వాత లుక్ మారడమే కాదు ఆటలో పరిపక్వత వచ్చింది. తాజాగా ఐపీఎల్-17 సీజన్ కోసం చెన్నైకి వచ్చిన ధోని లేటెస్ట్ లుక్ చూస్తే వింటేజ్ ధోని గుర్తుకువస్తున్నాడు.
ఈ లుక్ లో ధోనీని చూసి ఫ్యాన్స్ వారెవ్వా అంటున్నారు. పాత లుక్ లోకి రావడానికి కారణమేంటి అని కొందరు అంటుంటే..ఇదే ధోని చివరికి ఐపీఎల్ కావొచ్చు..అందుకే పాత ధోని గుర్తుకు తెచ్చే ప్రయత్నం కావొచ్చు అని సమాధానమిస్తున్నారు. అసలు ధోని 16వ సీజన్ ను చెన్నై గెలుచుకోవడంతో ఐపీఎల్ కు గుడ్ బై చెప్తాడని అందరూ భావించారు. కానీ అతడు 17వ సీజన్ కూడా ఆడుతానని చెప్పి ఫ్యాన్స్ ను సంబరాల్లో ముంచెత్తాడు.
ఈ టోర్నీకి వచ్చే ముందు ఈ సీజన్లో కొత్త పాత్రకు సిద్ధం అని సోషల్ మీడియాలో మహీ చేసిన పోస్ట్ తెగ వైరల్ అయ్యింది. దీంతో ఆ కొత్త పాత్ర ఏంటి? అని క్రికెట్ అభిమానుల్లో ఆసక్తి మొదలైంది. ఎందుకంటే మహీకి ఇదే చివరి సీజన్ కావొచ్చు. ఈ నేపథ్యంలో కెప్టెన్సీని సగం నుంచే ఎవరికైనా అప్పజెపుతాడా? లేదా ఇంకా ఏదైనా పాత్ర పోషిస్తాడా? అనేది ప్రస్తుతానికి సస్పెన్సే. జడేజాకు కెప్టెన్సీ అప్పగిస్తే ఒత్తిడి భరించలేక మధ్యలోనే వదిలేశాడు. మరి ఈ సారి అలాంటి ఇబ్బంది లేకుండా ఎవరికైనా ఆ బాధ్యతలను సాఫీగా బదలాయిస్తాడా అనేది చూడాల్సి ఉంది.