Producer Swathi Reddy : నిర్మాత స్వాతిరెడ్డి కి మెగాస్టార్ కూతురుకు ఉన్న సంబంధం తెలుసా? అందుకే ‘మంగళవారం’కు ప్రొడ్యూసర్ గా చేసిందా?
Producer Swathi Reddy
Producer Swathi Reddy : ఆర్ఎక్స్ 100, మహా సముద్రం తర్వాత డైరెక్టర్ అజయ్ భూపతి దర్శకత్వం వహిస్తున్న సినిమా ‘మంగళవారం’. ప్రస్తుతం రిలీజ్ కు దగ్గరపడుతుండడంతో టాలీవుడ్ లో చర్చ కొనసాగుతోంది. ట్రైలర్ రిలీజ్ నుంచి ఈ మూవీ హైప్ క్రియేట్ చేసింది. అజయ్ భూపతి తన లక్కీ హీరోయిన్ పాయల్ రాజ్‌పుత్ ను పెట్టి తీస్తున్న మూడో చిత్రం ఇది. ఇందులో కూడా మంచి నటనను చూపించిందట పాయల్ రాజ్ పుత్.
‘మంగళవారం’కు సంబంధించి ఆమె పాత్ర హైలెట్ అవుతుందని టాక్. ట్రైలర్ లోనే పాయల్ క్యారెక్టర్ ఎలా ఉంటుందో హింట్ ఇచ్చాడు దర్శకుడు. ఇక ట్రైలర్ ను గత నెలలో మెగాస్టార్ చిరంజీవి సోషల్ మీడియాలో తన ఖాతా ద్వారా రిలీజ్ చేశారు. రిలీజ్ సందర్భంగా ప్రొడ్యూసర్ స్వాతిరెడ్డి గునుపాటగి, సురేశ్ వర్మ గురించి చిరు ప్రస్తావించారు. ఇద్దరూ తనకు బాగా తెలుసన్నారు.
ముఖ్యంగా ప్రొడ్యూసర్ స్వాతిరెడ్డి గురించి మాట్లాడుతూ డైనమిక్ లేడీ అన్నారు. తన చిన్న కూతురు శ్రీజకు స్వాతిరెడ్డి బెస్ట్ ఫ్రెండ్ అని తను నాకు కూతురి లాంటిదేనని చెప్పారు. ఈ వార్త బలంగా ప్రజల్లోకి వెళ్లింది. దీంతో ఆమె గురించి తెలుసుకోవడం మొదలు పెట్టారు నెటిజన్లు. స్వాతిరెడ్డి గునుపాటి అని నిర్మాతగా చూపించారు. కానీ స్వాతిరెడ్డి నిమ్మగడ్డ అంటే చాలా మందికి తెలుస్తుంది.
ప్రముఖ వ్యాపారవేత్త నిమ్మగడ్డ ప్రసాద్ కూతురే స్వాతిరెడ్డి. 2016లో ఆమె వివాహం గునుపాటి శివకుమార్ తో జరిగింది. అప్పటి నుంచి అత్తింటి పేరుతో గునుపాటి స్వాతిరెడ్డిగా మారింది. మంగళవారం సినిమాను ఆమెనే ప్రొడ్యూస్ చేశారు.