Ear buds : ఇప్పటికైనా ఇయర్ బడ్స్ వాడడం తగ్గించండి.. వాటి కారణంగా వినికిడి కోల్పోయిన మహిళ
Ear buds
Ear buds : ప్రస్తుతం అందరి చెవుల్లో వైర్‌లెస్ ఇయర్‌ఫోన్‌లు కనిపిస్తున్నాయి. స్టైలిష్‌గా ఉండటమే కాకుండా, అవి మీకు చాలా సౌకర్యవంతంగా ఉంటాయి అనడంలో సందేహం లేదు. అయితే వాటితో ప్రమాదాలు కూడా లేకపోలేదు. ఇటీవల టర్కీలో ఒక మహిళ విషయంలో అదే జరిగింది. ఆమె చెవిలో ఇయర్‌బడ్ పేలిపోయింది. దీంతో ఆమె వినికిడి శక్తిని కోల్పోయింది.
ఒక వ్యక్తి తన Samsung Galaxy S23 Ultra మోడల్ ప్రీమియం స్మార్ట్‌ఫోన్‌ కోసమని Samsung Galaxy FE ఇయర్‌బడ్స్‌ని కొనుగోలు చేశాడు. దానిని అతని స్నేహితురాలు తన చెవిలో పెట్టుకుంది. అకస్మాత్తుగా ఒక చెవిలో ఇయర్‌బడ్ పేలింది. ఈ పేలుడు కారణంగా మహిళ చెవులు దెబ్బతిన్నాయి. ఆమె వినికిడి శక్తిని కూడా కోల్పోయింది. దీంతో కంపెనీకి వారు ఫిర్యాదు చేశారు. ఫిర్యాదు పట్ల సామ్‌సంగ్ వైఖరి చాలా అభ్యంతరకరంగా ఉంది. అతను ఈ సంఘటన గురించిన సమాచారాన్ని Samsung కమ్యూనిటీ ప్లాట్‌ఫారమ్‌లో పంచుకున్నాడు. వినియోగదారు తన Samsung Galaxy S23 అల్ట్రాతో జత చేయడానికి ఇటీవల ఇయర్‌బడ్‌లను కొనుగోలు చేశారు. ఇయర్‌బడ్‌లు బాక్స్‌లో కొత్తవి. 36 శాతం బ్యాటరీని కలిగి ఉన్నాయి. కొనుగోలు చేసినప్పటి నుండి ఒక్కసారి కూడా ఛార్జ్ చేయలేదని చెప్పారు.
అతని గర్ల్‌ఫ్రెండ్ కొత్త ఇయర్‌బడ్‌లను చూసి ఉత్సాహంతో వాటిని చెవుల్లో పెట్టుకుంది. ఆ తర్వాత దానిని ఉపయోగిస్తున్నప్పుడు ఆమె చెవిలో ఒక ఇయర్‌బడ్ పగిలిపోయింది. Galaxy Buds FE పేలుడు సంఘటన తర్వాత, వినియోగదారు ఈ పూర్తి సమాచారాన్ని అదానాలోని సెమల్పాసాలోని Samsung సర్వీస్ సెంటర్‌కు అందించారు. చెడిపోయిన ఇయర్‌బడ్స్‌తో వ్యక్తి సర్వీస్ సెంటర్‌కు వెళ్లినప్పుడు, సర్వీస్ సెంటర్ ఉద్యోగులు అతని పరిస్థితిని చూసి క్షమాపణలు చెప్పారు. రెండు రోజుల విచారణ తర్వాత కేవలం ఇయర్ బడ్స్ దెబ్బతిన్నాయని.. పేలలేదని నిర్ధారించారు.
అతను సర్వీస్ సెంటర్ వ్యక్తులతో వాదనకు దిగాడు. కానీ వారు అవి పేలాయని అంగీకరించలేదు. సర్వీస్ సెంటర్ సిబ్బంది అతనికి అదే మోడల్ ఇయర్‌బడ్‌ల రీప్లేస్‌మెంట్‌ను మాత్రమే అందించారు. ఇష్టముంటే తీసుకోండి లేకపోతే వదిలేయండి… కావాలంటే లీగల్ గా ప్రొసీడ్ అవ్వండి.. ఆ స్వేచ్ఛ మీకు ఉందని సర్వీస్ సెంటర్ వారు తెలిపారు. కంపెనీ వైఖరితో విసుగు చెందిన సదరు వినియోగదారు నెలల తరబడి ఈ సమస్యతో ఇబ్బంది పడుతున్నట్లు తెలిపారు. బిల్లులతో సహా అవసరమైన అన్ని పత్రాలు, పరికరం, ముందు, తరువాత ఫోటోలు.. పేలుడుకు అతని వినికిడి లోపానికి సంబంధించిన వైద్య రికార్డులు ఉన్నాయని అతను పేర్కొన్నాడు.