Redin Kingsley:టీవీ న‌టిని పెళ్లాడి 46ఏళ్ల వ‌య‌సులో హ‌నీమూన్‌కి..!
Redin Kingsley:ఇటీవ‌లే బ్లాక్ బ‌స్ట‌ర్ విజ‌యం సాధించిన `జైలర్`లో త‌న‌దైన హాస్యంతో ఆక‌ట్టుకున్న తమిళ హాస్య‌న‌టుడు రెడిన్ కింగ్ల్సే 46 ఏళ్ల వ‌య‌సులో టీవీ నటి సంగీత వినీని వివాహం చేసుకున్నారు. ఈ జంట ఎలాంటి హంగామా లేకుండా సాంప్రదాయ ఆచారాలతో కూడిన సింపుల్ వెడ్డింగ్‌కి ప్రాధాన్య‌త‌నిచ్చారు. ప్ర‌స్తుతం ఈ పెళ్లికి సంబంధించిన ఫోటోలు ఇంటర్నెట్‌లో వైర‌ల్ అవుతున్నాయి.
సన్ TVలో ప్రసారమవుతున్న సీరియల్ ఆనంద రాగం సహా తమిళ రోజువారీ కార్య‌క్ర‌మాతో సంగీత ఆడియెన్ లో ఎంతో పాపుల‌ర్. ప‌లు చిత్రాలలోను ఆమె నటించింది. సినిమా టీవీ న‌టిగా రాణిస్తోంది. 2021లో లోకేష్ కనగరాజ్ చిత్రం `మాస్టర్`లోను సంగీత నటించింది. ద‌ళ‌ప‌తి విజ‌య్ ఈ చిత్రంలో క‌థానాయ‌కుడు. సంగీత బుల్లితెర నుంచి వెండితెర‌కు ప్ర‌మోష‌న్ పొంది అక్క‌డా స‌హాయ‌న‌టిగా రాణిస్తోంది. మ‌రోవైపు రెడిన్ కింగ్స్లే కెరీర్ ప‌రంగా స్పీడ్ మీద ఉన్నాడు. వ‌ర‌స చిత్రాల్లో అద్భుత పాత్ర‌ల‌తో బాగా పాపుల‌ర‌య్యాడు.
ముఖ్యంగా నెల్సన్ దిలీప్‌కుమార్ చిత్రాలు బీస్ట్-జైలర్ ల‌తో అత‌డికి మంచి పేరు గుర్తింపు వ‌చ్చాయి. బీస్ట్- కోలమావు కోకిల-ఎల్‌కెజి-డాక్టర్- జైలర్ వంటి చిత్రాలలో తన హాస్య నటనతో రెడిన్ కింగ్ల్సే అంద‌రి దృష్టిని ఆకర్షించాడు. అద్భుతమైన కామిక్ టైమింగ్ ఉన్న నేటిత‌రం న‌టుడు అత‌డు. ర‌జ‌నీకాంత్ అన్నాత్తే-కాతువాకుల రెండు కాదల్-పాతు త‌ళ-మార్క్ ఆంటోని వంటి చిత్రాలలోను అత‌డు న‌టించాడు. ప్ర‌స్తుతం అర‌డ‌జ‌ను పైగా భారీ క్రేజీ చిత్రాల్లో అత‌డు న‌టిస్తున్నాడు.
వి.సంగీత కూడా సినిమాలు, టీవీ షోల‌తో కెరీర్ ప‌రంగా ఉత్త‌మ ద‌శ‌ను ఆస్వాధిస్తున్నారు. ఇదిలా ఉంటే ఈ కొత్త జంట అప్పుడే హ‌నీమూన్‌కు వెళ్లిన‌ట్లుగా తెలుస్తోంది. పెళ్లి త‌రువాత రెడిన్ కింగ్స్లే తన భార్య‌తో క‌లిసి వెకేష‌న్‌కు వెళ్లిన ఫొటోల‌ను ఇన్‌స్టాగ్రామ్‌లో షేర్ చేశారు.
View this post on Instagram