Donald Trump
Donald Trump : హష్ మనీ కేసులో అమెరికా మాజీ అధ్యక్షుడు డొనాల్డ్ ట్రంప్ దోషిగా తేలిన సంగతి తెలిసిందే. ఆదివారం ఆయన మాట్లాడుతూ.. తాను ఎవరి ముందు తలదించుకోవడం కంటే జైలుకు వెళ్లడానికి సిద్ధంగా ఉన్నానని అన్నారు. ఈ ఏడాది చివర్లో జరగనున్న అధ్యక్ష ఎన్నికల్లో విజయం సాధించడం ద్వారా తన ఉత్తమ ప్రతీకారం తీర్చుకుంటానని చెప్పారు. న్యూయార్క్ కోర్టు మొత్తం 34 మోసాలకు పాల్పడినట్లు నిర్ధారించిన తర్వాత తాను జైలుకు వెళ్లడానికి సిద్ధంగా ఉన్నానని డొనాల్డ్ ట్రంప్ అన్నారు. దోషిగా తేలిన అనంతరం మీడియాతో మాట్లాడిన ఆయన.. శిక్ష పడిన తర్వాత జైలుకు వెళ్లేందుకు తనకు ఎలాంటి అభ్యంతరం లేదన్నారు.
అధ్యక్ష ఎన్నికల్లో విజయం..
అధ్యక్ష ఎన్నికల్లో గెలుపొందడం ద్వారా తన ప్రతీకారం తీర్చుకుంటానని ట్రంప్ ఇంటర్వ్యూలో చెప్పారు. ప్రస్తుత రిపబ్లికన్ వైట్ హౌస్ అభ్యర్థి తన జైలు శిక్షను ప్రజలు భరించడం కష్టమని హెచ్చరించారు. తనని జైలుకు పంపితే రాజకీయ ప్రకంపనలు, హింసాత్మక ఘటనలు తప్పవని పరోక్షంగా సంకేతమిచ్చారు. తనకు మాత్రం వ్యక్తిగతంగా ఎలాంటి ఇబ్బంది లేదని చెప్పుకొచ్చారు. ఇది బ్రేకింగ్ పాయింట్ అని అన్నారు.
పలు కేసుల్లో దోషి..
మే 31న ఇచ్చిన తీర్పులో 2016 అధ్యక్ష ఎన్నికలను ప్రభావితం చేయడానికి స్టార్మీ డేనియల్స్‌కు 130,000 అమెరికా డాలర్ల రహస్య చెల్లింపును దాచిపెట్టడానికి డొనాల్డ్ ట్రంప్ వ్యాపార రికార్డులను తప్పుదోవ పట్టించారని 12 మంది న్యాయమూర్తుల ప్యానెల్ ఏకగ్రీవంగా నిర్ధారించింది.
జూలై 11న శిక్ష ఖరారు..
ఆరు వారాల విచారణలో డేనియల్స్ సహా 22 మంది సాక్షులను కోర్టు విచారించింది. రిపబ్లికన్ నేషనల్ కన్వెన్షన్‌కు నాలుగు రోజుల ముందు, జూలై 11న ట్రంప్‌కు శిక్ష ఖరారు జరగనుంది. ఈ ఏడాది చివర్లో జరిగే అధ్యక్ష ఎన్నికల్లో ప్రస్తుత జో బిడెన్‌పై పార్టీ అధ్యక్ష అభ్యర్థిగా అధికారికంగా నామినేట్ అయ్యారు. కోర్టు నిర్ణయాన్ని అవమానకరంగా అభివర్ణించిన ట్రంప్, అవినీతిపరుడైన న్యాయమూర్తి విచారణను అవమానించారని ఆరోపించారు.