Achyutapuram : అచ్యుతాపురం సెజ్ లో పేలిన రియాక్టర్.. ఒకరి మృతి

Achyutapuram

Achyutapuram : అచ్యుతాపురం సెజ్ లో రియాక్టర్ పేలి ఒకరు మృతి చెందారు. అనకాపల్లి జిల్లాలోని రాంబిల్లి మండలం అచ్యుతాపురం సెజ్ లో ఈ ప్రమాదం జరిగింది. వసంత కెమికల్ ఫ్యాక్టరీలో రియాక్టర్ పేలి పెద్ద ఎత్తున మంటలు చెలరేగాయి. ఈ ప్రమాదంలో ఓ కార్మికుడు మృతి చెందాడు. మృతుడిని ఒడిశాకు చెందిన ప్రదీప్ రౌత్ (44)గా గుర్తించారు. రియాక్టర్ పేలడంతో కార్మికులు పరుగులు తీశారు. ఈ ఘటనలో మరికొందరికి కూడా గాయాలైనట్లు సమాచారం.

ఈ ప్రమాదంపై రాష్ట్ర హోంమంత్రి వంగలపూడి అనిత స్పందించారు. జిల్లా కలెక్టర్ కు ఫోన్ చేసి ప్రమాదానికి గల కారణాలపై ఆరా తీశారు. మరోవైపు స్థానిక సీఐ సీహెచ్ నర్సింగరావు ఘటనా స్థలానికి చేరుకొని దర్యాప్తు చేపట్టారు.