Ratan Tata : దిగ్గజ పారిశ్రామికవేత్త, టాటా గ్రూప్స్ గౌరవ ఛైర్మన్ రతన్ టాటా వ్యాపార రంగంలోనే కాకుండా, క్రీడాకారులకూ అండగా నిలిచారు. టాటా ట్రస్టు, టాటా సంస్థల నుంచి టీమిండియా క్రికెటర్లకు సాయం చేశారు. క్రికెటర్లకు అండగా నిలిచేందుకు తమ కంపెనీల్లో ఉద్యోగాలు ఇచ్చారు. టాటా పవర్స్, టాటా ఎయిర్ లైన్స్ విభాగాల్లో పలువురు భారత క్రికెటర్లకు ఉద్యోగావకాశాలను కంపెనీ కల్పించింది. అంతేకాదు వారిని స్పాన్సర్ చేస్తూ ప్రోత్సహించింది.
టాటా గ్రూప్ నుంచి చాలా మంది భారత క్రికెటర్లు సాయం అందుకున్నారు. ఈ జాబితాలో అలనాటి క్రికెటర్లు సహా ప్రస్తుత క్రికెటర్లు కూడా ఉండడం విశేషం. మాజీలు ఫరూఖ్ ఇంజినీర్, మొహిందర్ అమర్ నాథ్, అజిత్ అగార్కర్, సంజయ్ మంజ్రేకర్, యువరాజ్ సింగ్, హర్భజన్ సిగ్, రాబిన్ ఉతప్ప, జవగల్ శ్రీనాథ్, మొహమ్మద్ కైఫ్ కు తమ గ్రూప్ లో ఉద్యోగాలు కల్పించింది. ఈ తరంలో శార్దూల్ ఠాకూర్, జయంత్ యాదవ్ ఉన్నారు.