Ratan Tata pet dog
రతన్ టాటా దాతృత్వానికి గుర్తింపుగా, అతనికి లైఫ్‌టైమ్ అచీవ్‌మెంట్ అవార్డుతో సత్కరించేందుకు ప్రిన్స్ చార్లెస్ లండన్ రాయల్ రెసిడెన్స్, బంకింగ్ హామ్ ప్యాలెస్‌లో అవార్డుల ప్రదానోత్సవం నిర్వహించ తలపెట్టారు. అయితే అవార్డుల ప్రదానోత్సవానికి రతన్ టాటా హాజరుకాలేదు. ఎందుకో తెలుసా? ఎందుకంటే రెండు పెంపుడు కుక్కలు. వినడానికి ఇది ఆశ్చర్యంగా ఉన్నా..ఇది అక్షర సత్యం. అదే అవార్డుల వేడుకకు హాజరైన కాలమిస్ట్, వ్యాపారవేత్త సుహెల్ సేథ్ సోషల్ మీడియాతో తన తీపి జ్ఞాపకాలను పంచుకున్నారు. ఆ సంఘటనను గుర్తు చేసుకుంటూ రతన్ టాటాపై ప్రశంసల వర్షం కురిపించాడు.
లండన్‌లోని రాయల్ రెసిడెన్సీ, బంఖామ్ ప్యాలెస్, రతన్ టాటాకు లైఫ్‌టైమ్ అవార్డును అందించడానికి సిద్ధంగా ఉంది. బ్రిటీష్ ఏషియన్ ట్రస్ట్ నిర్వహించిన ఈవెంట్ కోసం నేను 2018 ఫిబ్రవరి 2వ, 3వ తేదీల్లో లండన్ చేరుకున్నాను. లండన్ విమానాశ్రయంలో దిగిన తర్వాత, టాటా నుండి దాదాపు 11 మిస్డ్ కాల్స్ రావడంతో నేను షాక్ అయ్యాను. వెంటనే నా బ్యాగులు తీసుకుని ఎయిర్‌పోర్టు బయటకు వస్తుండగా అతనికి ఫోన్ చేసాను. టాంగో, టిటో (రతన్ టాటా కుక్కలు) అనారోగ్యానికి గురయ్యాయి. తినడం లేదు. నీళ్లు తాగడం లేదు. నేను వారిని వదిలి ఉండలేను,” అని సుహెల్ సేథ్ తనతో చెప్పినట్లు గుర్తు చేసుకున్నారు.
ప్రిన్స్ చార్లెస్ ఈవెంట్‌కి టాటా వచ్చేలా ప్రయత్నించాను. కానీ ఆ ప్రయత్నాలు ఫలించలేదు. అతని అవార్డును అందుకోవడానికి టాటా హాజరుకాలేదు. ఈ సందర్భంగా అవార్డుల కార్యక్రమానికి రతన్ టాటా ఎందుకు రాలేదో తెలుసుకున్న ప్రిన్స్ చార్లెస్.. టాటాపై ప్రశంసల వర్షం కురిపించారు. ‘మనసున్నా మారాజు, అది రతన్ టాటా’ అని ప్రిన్స్ చార్లెస్ అన్నారు.