Movie Chance : సినిమాల్లో చాన్స్ ఇప్పిస్తానని కూల్ డ్రింక్ లో మత్తు మందు కలిసి అత్యాచారం

Movie Chance

Movie Chance : నిర్భయ, దిశ, పొక్సో లాంటి ఎన్ని కఠిన చట్టాలు ఉన్నా.. మహిళలు, చిన్నారులపై లైంగిక దాడులు ఆగడం లేదు. రిపీట్ అవుతూనే ఉన్నాయి. ఎక్కడో ఓ చోట నిత్యం ఇలాంటి సంఘటనలు బయట పడుతూనే ఉన్నాయి.  తాజాగా హైదరాబాద్ లో రోజుకో దారుణం జరుగుతోంది. అవి ఒక్కొక్కటిగా బయట పడుతున్నాయి.

నిర్మల్ నుంచి ఓంగోలు వెళుతున్న బస్సులో పడుకున్న ఒంటరి మహిళపై బస్సు డ్రైవర్ అత్యాచారం చేసిన ఘటనతో అందరూ ఉలిక్కి పడ్డారు. నడుస్తున్న బస్సులోనే మహిళ నోట్లో గుడ్డలు కుక్కి డ్రైవర్ లైంగిక దాడి చేశాడు. దీంతో మహిళ 100 డయల్ చేసి జరిగిన ఘటన వివరించగా.. హైదరాబాద్ లో బస్సును డ్రైవర్ ను అదుపులోకి తీసుకున్నారు.

మరో ఘటన రెస్టారెంట్ కు పిలిచి చిన్ననాటి ఫ్రెండ్స్ పై ఇద్దరు వ్యక్తులు లైంగిక దాడి చేశారు. జాబ్ వచ్చిందని చెబితే పార్టీ ఇవ్వమని పిలిచి మరీ ఈ దారుణానికి ఒడిగట్టారు. తాజాగా సినిమాల్లో ఛాన్స్ ఇప్పిస్తానని చెప్పి ఓ సాఫ్ట్ వేర్ యువతిపై అసిస్టెంట్ డైరెక్టర్ సిద్ధార్థ్ వర్మ (30) రేప్ చేశాడు. కొండాపూర్ రాఘవేంద్ర కాలనీలో ఉండే వైజాగ్ కు చెందిన సిద్ధార్థ్ వర్మ సినిమాల్లో ఆఫర్లు ఇప్పిస్తానని మోసం చేసి ఓ యువతిని తన ఇంటి ఫ్లాట్ కు డిన్నర్ కు పిలిచాడు. కూల్ డ్రింక్ లో మత్తు మందు కలిపి అత్యాచారం చేశాడు.

హైదరాబాద్ పుప్పలగూడలో నివాసం ఉంటూ ఐటీ కారిడార్‌లోని ఓ సాప్ట్ వేర్ కంపెనీ లో పనిచేస్తున్న అనంతపురం ప్రాంతానికి చెందిన యువతిని ట్రాప్ చేశాడు. అనంతరం పరిచయం పెంచుకుని ఆమె నెంబర్ తీసుకుని మెల్లిగా చాటింగ్ చేసి డిన్నర్ కు పిలిచి దారుణానికి ఒడిగట్టాడు.  సిద్దార్థ్ వర్మ పై గచ్చిబౌలి పోలీసులకు బాధిత యువతి  ఫిర్యాదు చేసింది. దీంతో కేసు నమోదు చేసుకున్న గచ్చిబౌలి పోలీసులు కేసు నమోదు చేసుకుని నిందితుడిని పోలీస్ స్టేషన్ కు తరలించారు.