Animal:ర‌ణ్‌బీర్ కెరీర్‌లో `యానిమ‌ల్‌` బిగ్గెస్ట్ బ్లాక్ బ‌స్ట‌ర్‌..ఫ‌స్ట్ డే క‌లెక్ష‌న్స్ ఎంతంటే..
Animal:బాలీవుడ్ స్టార్ హీరో ర‌ణ్‌బీర్ క‌పూర్ క‌థ‌నాయ‌కుడిగా న‌టించిన ఎమోష‌న‌ల్ యాక్ష‌న్ డ్రామా `యానిమ‌ల్‌`. సందీప్ రెడ్డి వంగ ద‌ర్శ‌క‌త్వంలో టి సిరీస్ బ్యాన‌ర్‌పై తెర‌కెక్కిని ఈ సినిమా భారీ అంచ‌నాల మ‌ధ్య డిసెంబ‌ర్ 1న ప్ర‌పంచ వ్యాప్తంగా భారీ స్థాయిలో విడుద‌లై సంచ‌ల‌నం సృష్టిస్తున్న విష‌యం తెలిసిందే. ర‌ణ్‌బీర్ కెరీర్ బెస్ట్ పెర్ఫార్మెన్స్, సందీప్ రెడ్డి వంగ టేకింగ్‌, మేకింగ్‌కు ప్రేక్ష‌కులు బ్ర‌హ్మ‌ర‌థం ప‌ట్ట‌డంతో బాక్సాఫీస్ వ‌ద్ద `యానిమ‌ల్‌` వ‌సూళ్ల వ‌ర్షం కురిపిస్తోంది.
డిసెంబ‌ర్ 1న ప్ర‌పంచ వ్యాప్తంగా భారీ స్థాయిలో విడుద‌లైన ఈ సినిమా తొలి రోజు బాక్సాఫీస్ వ‌ద్ద రికార్డు స్థాయి వసూళ్లని రాబట్టింది. ర‌ణ్ బీర్ కెరీర్‌లోనే బిగ్గెస్ట్ బ్లాక్ బ‌స్ట‌ర్‌గా నిలిచిన ఈ మూవీ ర‌ణ్ బీర్ కెరీర్‌లోనే రికార్డు స్థాయి వసూళ్లని రాబట్టింది. అగ్వాన్స్ బుకింగ్స్ ప‌రంగా రిలీజ్‌కు ముందే రికార్డుల ప‌రంప‌ర‌కు తెర‌లేపిన `యానిమ‌ల్‌` తొలి రోజు వ‌సూళ్ల ప‌రంగానూ స‌రికొత్త రికార్డులు సృష్టించింది. అంతే కాకుండా తొలి రోజు వంద కోట్ల వసూళ్లని అధిగ‌మించి ఆశ్చ‌ర్య‌ప‌రిచింది.
ర‌ణ్‌బీర్ క‌పూర్ కెరీర్‌లోనే ఈ స్థాయి వసూళ్లని రాబ‌ట్టిన తొలి సినిమాగా నిలిచి రికార్డు క్రియేట్ చేసింది. తొలి రోజు ప్ర‌పంచ వ్యాప్తంగా ఈ సినిమా రూ. 116 కోట్ల‌మేర వసూళ్లని రాబ‌ట్టిన‌ట్టుగా మేక‌ర్స్ సోష‌ల్ మీడియా వేదిక‌గా వెల్ల‌డిస్తూ ఓ పోస్ట‌ర్‌ని రిలీజ్ చేశారు. ఇండియా వ్యాప్తంగా బాక్సాఫీస్ వ‌ద్ద రూ. 55 కోట్లు రాబ‌ట్టి ఈ ఏడాది విడుద‌లైన `జ‌వాన్‌`, `ప‌ఠాన్‌`ల త‌రువాత స్థానంలో నిలిచింది. అలాగే బాలీవుడ్‌లో తొలి రోజు రికార్డు స్థాయి వసూళ్లని రాబ‌ట్టిన మూడ‌వ హిందీ సినిమాగా రికార్డు క్రియేట్ చేసింది.
ఇదిలా ఉంటే `యానిమ‌ల్‌` జోరు చూస్తుంటే ఈ వీకెండ్ క‌లెక్ష‌న్‌లు మ‌రింత‌గా పెరిగే అవ‌కాశం ఉంద‌ని తెలుస్తోంది. క్రేజీ న‌టీన‌టులు కాంబినేష‌న్‌లో దాదాపు రూ.200 కోట్ల బ‌డ్జెట్‌తో రూపొందిన ఈ సినిమా బ్రేక్ ఈవెన్‌ని అత్యంత సులువుగా అధిగ‌మించే అవ‌కాశం ఉంద‌ని ట్రేడ్ వ‌ర్గాలు చెబుతున్నాయి. అంతే కాకుండా సందీప్ రెడ్డి వంగ రూపొందించిన `క‌బీర్ సింగ్` రికార్డుల‌ని కూడా `యానిమ‌ల్‌` అధిగ‌మించి స‌రికొత్త రికార్డుల‌ని క్రియేట్ చేయ‌డం ఖాయ‌మ‌ని కూడా అంటున్నారు. తండ్రీ కొడుకుల సెంటిమెంట్ నేప‌థ్యంలో రూపొందిన ఈ సినిమా అన్ని వ‌ర్గాల ప్రేక్ష‌కుల్ని విశేషంగా ఆక‌ట్టుకుంటోంది.
He has come to conquer all the records ????#AnimalHuntBegins
Book Your Tickets ?️ https://t.co/QvCXnEetUb#Animal#AnimalInCinemasNow #AnimalTheFilm @AnimalTheFilm @AnilKapoor #RanbirKapoor @iamRashmika @thedeol @tripti_dimri23@imvangasandeep #BhushanKumar… pic.twitter.com/bF8nV2Nw09
— T-Series (@TSeries) December 2, 2023