Ram Charan:క్రికెట్ లీగ్‌లోకి రామ్ చరణ్..ఏ జ‌ట్టుకో తెలుసా?
Ram Charan:టాలీవుడ్ టాప్ స్టార్లు సినిమాల్లో న‌టిస్తూనే ఇత‌ర వ్యాపారాల్లోకి ఎంట్రీ ఇస్తూ త‌మ అభిరుచిని చాటుకుంటున్న విష‌యం తెలిసిందే. `ఆర్ఆర్ఆర్‌`తో గ్లోబ‌ల్ స్టార్‌గా పేరు తెచ్చుకున్న మెగా ప‌వ‌ర్ స్టార్ కూడా ఇప్పుడు ఇదే జాబితాలో చేరారు. గ‌తంలో ఓ ప్రైవేట్ జెట్ ఏయిర్ లైన్స్‌కు స‌హ భాగ‌స్వామిగా వ్య‌వ‌హ‌రించిన రామ్ చరణ్ ప్ర‌స్తుతం మ‌రో అడుగు ముందుకేశారు. ప్ర‌స్తుతం రామ్ చరణ్ ది గ్రేట్ డైరెక్ట‌ర్ శంక‌ర్ తెర‌కెక్కిస్తున్న `గేమ్ ఛేంజ‌ర్‌`లో న‌టిస్తున్న విష‌యం తెలిసిందే.
స‌మ‌కాలీన రాజ‌కీయాల‌పై శంక‌ర్ సంధిస్తున్న పొలిటిక‌ల్ సెటైరిక‌ల్ యాక్ష‌న్ థ్రిల్ల‌ర్ ఇది. దిల్ రాజు నిర్మాణంలో అత్యంత భారీ స్థాయిలో నిర్మిస్తున్నారు. కియారా అద్వానీ, అంజ‌లి క‌థానాయిక‌లుగా న‌టిస్తుండ‌గా, త‌మిళ న‌టుడు, ద‌ర్శ‌కుడు ఎస్‌.జె. సూర్య విల‌న్‌గా న‌టిస్తున్నారు. ప్ర‌స్తుతం చిత్రీక‌ర‌ణ ద‌శ‌లో ఉంది. ఇటీవ‌ల షూటింగ్‌కి బ్రేక్ ల‌భించ‌డంతో ఫ్యామిలీకి టైమ్ కేటాయించిన చరణ్ ఫ్యామిలీతో క‌లిసి ముంబాయిలోని మహాలక్ష్మి టెంపుల్‌ను ద‌ర్శించిన విష‌యం తెలిసిందే.
ముద్దుల కూతురు క్లింకార‌తో క‌లిసి చరణ్, ఉపాస‌న మహాలక్ష్మి టెంపుల్‌ని ద‌ర్శించారు. ఇందుకు సంబంధించిన ఫొటోలు నెట్టింట వీర‌ల్ అయ్యాయి. ఇదిలా ఉంటే రామ్ చరణ్ తాజాగా ఆస‌క్తిక‌ర‌మైన నిర్ణ‌యం తీసుకున్నారు. క్రికెట్ టీమ్‌ని కొనుగోలు చేశారు. ఐపీఎల్ టోర్నీలో హైద‌రాబాద్ జ‌ట్టును కొనుగోలు చేసిన‌ట్లు రామ్ చరణ్ తాజాగా సోష‌ల్ మీడియా వేదిక‌గా వెల్ల‌డించారు. ఈ మేర‌కు ఆస‌క్తిక‌లిగిన ఆట‌గాళ్లు రిజిస్ట్రేష‌న్ చేసుకోవ‌చ్చ‌ని తెలిపారు. ఈ అద్భుత‌మైన లీగ్‌లో నాతో పాటు పాలు పంచుకునేందుకు నాతో చేరండి అంటూ పోస్ట్ చేశారు. ఈ పోస్ట్‌తో పాటు ఓ వీడియోని కూడా షేర్ చేశారు. దీనిపై అభిమానులు స్పందిస్తూ చ‌ర‌ణ్‌కు అభినందనలు తెలియ‌జేస్తున్నారు.
Excited to announce my ownership of Team Hyderabad in the Indian Street Premier League!
Beyond cricket, this venture is about nurturing talent, fostering community spirit, and celebrating street cricket's essence.
Join me as we elevate Hyderabad's presence in the ISPL,… pic.twitter.com/DQA29n18qp
— Ram Charan (@AlwaysRamCharan) December 24, 2023