Game Changer : మెగా పవర్ స్టార్ రామ్ చరణ్, సౌత్ ఇండియన్ సెన్సేషనల్ డైరెక్టర్ శంకర్ కాంబినేషన్ లో గేమ్ చేంజర్ అనే సినిమా తెరకెక్కుతున్న సంగతి తెలిసిందే. గత ఏడాది నుండి సాగుతున్న ఈ సినిమా షూటింగ్ ఇప్పుడు చివరి దశకి చేరుకుంది. సెప్టెంబర్ నెలలో ఈ సినిమాని విడుదల చేసే ఆలోచనలో ఉన్నాడు డైరెక్టర్ శంకర్. ఈ సినిమాలో హీరోయిన్ గా కైరా అద్వానీ నటించింది. వచ్చే నెలలో జరగబొయ్యే చివరి షెడ్యూల్ లో రామ్ చరణ్ కి సంబంధించిన షూటింగ్ పార్ట్ పూర్తి అవుతుంది.
ఆ తర్వాత వెంటనే ఆయన బుచ్చి బాబు సినిమాకి షిఫ్ట్ అవుతాడు. ఇదంతా పక్కన పెడితే ఈ సినిమాకి సంబంధించిన ఓవర్సీస్ రైట్స్ దాదాపుగా 23 కోట్ల రూపాయలకు అమ్ముడుపోయినట్టు చెప్తున్నారు. గత ఏడాదే ఈ సినిమాకి సంబంధించిన రైట్స్ అమ్ముడుపోయాయి. చాలా తొందరగా అమ్మేశారని, ప్రస్తుతం ఉన్న మార్కెట్ లో అమ్మి ఉంటే, ఈ చిత్రం కచ్చితంగా 40 కోట్ల రూపాయలకు అమ్ముడుపోయి ఉండేదని అంటున్నారు ట్రేడ్ పండితులు.