Ram Charan-Buchi Babu : ‘రంగస్థలం’ సెట్స్ లోనే రామ్ చరణ్ – బుచ్చి బాబు కొత్త సినిమా ప్రారంభం!

Ram Charan-Buchi Babu

Ram Charan-Buchi Babu : మెగాపవర్ స్టార్ రామ్ చరణ్ కెరీర్ లో ఎన్ని భారీ బ్లాక్ బస్టర్ హిట్లు వచ్చినా కూడా ‘రంగస్థలం’ చిత్రం కి ఉన్న ప్రత్యేకతే వేరు. గడిచిన దశాబ్దం కాలం లో ఈ సినిమాకి వచ్చినంత థియేట్రికల్ రన్ ఏ సినిమాకి కూడా రాలేదు అనడం లో ఎలాంటి అతిశయోక్తి లేదు. 50 రోజులు పూర్తి అయిన తర్వాత కూడా ఈ సినిమాకి హౌస్ ఫుల్స్ పడుతూనే ఉండేవి అప్పట్లో. ఇక రామ్ చరణ్ నటన గురించి ప్రత్యేకించి చెప్పనక్కర్లేదు.

నేషనల్ అవార్డు కూడా ఆయన నటనకి వస్తుందని అనుకున్నారు, ఆ రేంజ్ లో నటించాడు. కమర్షియల్ గా అప్పట్లో జీఎస్టీ 23 శాతం రేంజ్ లో ఉన్నప్పటికీ కూడా ఈ సినిమా 120 కోట్ల రూపాయలకు పైగా షేర్ వసూళ్లను సాధించింది. రామ్ చరణ్ మళ్ళీ ఇలాంటి నటనకి ప్రాధాన్యత ఉన్న పాత్రలు చేస్తే చాలా బాగుంటుంది అని అనుకుంటున్నారు ఫ్యాన్స్.

అందుకే అలాంటి పాత్రలనే ఎంచుకుంటూ ముందుకు పోతున్నాడు రామ్ చరణ్. ప్రస్తుతం శంకర్ దర్శకత్వం లో ‘గేమ్ చేంజర్’ అనే సినిమా చేస్తున్న రామ్ చరణ్, ఈ సినిమా పూర్తి అవ్వగానే ఉప్పెన ఫేమ్ ‘బుచ్చి బాబు’ తో రంగస్థలం తరహాలో ఒక విలేజ్ డ్రామా చెయ్యడానికి సిద్ధం అయ్యాడు. ఈ సినిమాకి సంబంధించిన ప్రీ ప్రొడక్షన్ వర్క్ చకచకా జరుగుతుంది. ఈ సినిమా మొదటి షెడ్యూల్ గతం లో  అన్నపూర్ణ స్టూడియోస్ లో వేసిన రంగస్థలం లో సెట్స్ లోనే జరగబోతుంది అట. రంగస్థలం క్లైమాక్స్ లో రామ్ చరణ్ ప్రకాష్ రాజ్ ఇంటికి వెళ్లి అతని పీక కోస్తాడు గుర్తుందా?, ఆ సన్నివేశం ఉండే ఇంట్లోనే రామ్ చరణ్ – బుచ్చి బాబు మూవీ షూటింగ్ జరగబోతున్నట్టు సమాచారం. త్వరలోనే దీనికి సంబంధించిన పూర్తి వివరాలను తెలియచెయ్యనుండి మూవీ టీం.

ఈ సినిమాలో విజయ్ సేతుపతి, కన్నడ సూపర్ స్టార్ శివరాజ్ కుమార్ వంటి నటులు నటిస్తున్నారు. ప్రస్తుతం మొదటి షెడ్యూల్ ని శివరాజ్ కుమార్ తో ప్రారంబిస్తారట. ఆయనకీ సంబంధించిన డేట్స్ కోసమే ఎదురు చూస్తున్నాడు డైరెక్టర్ బుచ్చి బాబు. శివరాజ్ కుమార్ మరియు రామ్ చరణ్ మధ్య వచ్చే సన్నివేశాలు చాలా ఆసక్తికరంగా ఉంటాయట ఈ సినిమాలో. ఇప్పటికే ఏ ఆర్ రెహ్మాన్ చేత రెండు సాంగ్స్ ని కూడా కంపోజ్ చేయించుకున్నాడట డైరెక్టర్.