Ram Charan:క్లీంకార‌తో ఆల‌యానికి రామ్‌చ‌ర‌ణ్ దంప‌తులు
Ram Charan:గ్లోబ‌ల్ స్టార్ రామ్ చరణ్ ప్ర‌స్తుతం శంక‌ర్ తెర‌కెక్కిస్తున్న `గేమ్ ఛేంజ‌ర్‌` మూవీలో న‌టిస్తున్నారు. దిల్‌రాజు, శిరీష్ అత్యంత భారీ స్థాయిలో ఈ మూవీని నిర్మిస్తున్నారు. శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై 50వ ప్రాజెక్ట్‌గా ఈ పాన్ ఇండియా ప్రాజెక్ట్‌ని నిర్మిస్తున్నారు. కియారా అద్వానీ హీరోయిన్‌గా న‌టిస్తున్న ఈ సినిమాలోని కీల‌క పాత్ర‌ల్లో ఎస్‌.జె. సూర్య, అంజ‌లి, శ్రీ‌కాంత్‌, సునీల్ న‌టిస్తున్నారు. ప్ర‌స్తుతం షూటింగ్ ద‌శ‌లో ఉంది.
ఇదిలా ఉంటే రామ్ చరణ్, ఉపాస‌న దంప‌తులు తొలిసారి బిడ్డ క‌లిసి ఆల‌యాన్ని సంద‌ర్శించారు. త‌మ ముద్దుల కూతురు క్లీంకార‌తో క‌లిసి ముంబైలోని శ్రీ‌మ‌హాల‌క్ష్మి ఆల‌యానికి వెళ్లారు. అమ్మ‌వారి ఆశీస్సులు అందుకున్నారు. ఈ సంద‌ర్భంగా అమ్మ‌వారికి ప్ర‌త్యేక పూజ‌లు చేశారు. ఈ సంద‌ర్భంగా ఆల‌య సిబ్బంది మెగా దంప‌తులు రామ్ చరణ్, ఉపాస‌న‌ల‌కు ఆహ్వానం ప‌లికారు. అనంత‌రం అమ్మ‌వారిని ద‌ర్శించుకున్నారు.
ఈ సంద‌ర్భంగా గ్లోబ‌ల్ స్టార్ రామ్ చ‌ర‌ణ్‌తో సెల్ఫీలు తీసుకోవ‌డానికి అభిమానులు ఆస‌క్తిని చూపించారు. చరణ్ దంప‌తులు ఆల‌యానికి వ‌చ్చార‌ని తెలియ‌గానే మ‌హాల‌క్ష్మి టెంపుల్‌కు భారీ సంక్ష‌లో అభిమానులు చేరుకుని సంద‌డి చేశారు. త‌న‌ని చూడ‌టం కోసం ఆల‌యానికి వ‌చ్చిన అభిమానుల‌కు చరణ్ అభివాదం చేసి వారిని ఆనంద‌ప‌రిచారు.
