Prabhas : పేరులోనే కాదు సాయం చేయడంలోనూ రాజే.. మరోసారి పెద్ద మనసు చాటుకున్న ప్రభాస్

Prabhas

Prabhas : పాన్ ఇండియా రెబల్ స్టార్ ప్రభాస్ మరోసారి తన పెద్ద మనసు చాటుకున్నాడు. ప్రభాస్ రాజు అని పేరులోనే కాదని, సాయం అందించడంలోనూ ముందుంటున్నాడని రాజేనని ప్రశంసలు కురిపిస్తున్నారు. తనను అభిమానించే వారు లేదనా తాను అభిమానించే వారికి ఏ చిన్న కష్టం వచ్చినా చూస్తూ ఊరుకోడు ప్రభాస్. తన వారి కోసం ఎంత పెద్ద సాయమైనా చేసేందుకు వెనకాముందు ఆలోచించడు.  తన గొప్ప మనసు చాటుకోవడంలో ఎప్పుడూ ముందుంటాడు.

కల్కి ప్రాజెక్టులో బిజీగా..
ప్రస్తుతం ప్రభాస్ తన రాబోయే సినిమా కల్కి 2898 AD విడుదలకు సిద్దంగా ఉంది. ఈ సినిమా కు సంబంధించి ప్రమోషన్లలో పాల్గొనాల్సి ఉందే. అదే సమయంలో మారుతి డైరెక్షన్ లో చేస్తున్న రాజాసాబ్   మూవీ షూటింగ్ కూడా మరో వైపు కొనసాగుతున్నది.  దీంతో పాటు సందీప్ వంగ సినిమాకు సంబంధించి స్ర్కిప్ట్ వర్క్ కు సంబంధించిన పనుల్లో పాలుపంచుకోనున్నాడు. ఇక ప్రస్తుతం సెట్స్ మీదున్న రాజాసాబ్ హర్రర్ కామెడీ గా తెరకెక్కుతున్నది. ప్రభాస్ ఈ జోనర్ ను ఇప్పటి వరకు చేయలేదు.

డైరెక్టర్స్ డే కోసం..
తెలుగు సినిమా అగ్ర దర్శకుడు దర్శక రత్న దాసరి నారాయణరావు జయంతి సందర్భంగా ఏటా మే నాలుగో తేదీన డైరెక్టర్స్ డే నిర్వహిస్తున్నారు. వచ్చే నెల నాలుగో తేదీన హైదరాబాద్ ఎల్బీ స్టేడియం వేదికగా  డైరెక్టర్స్ డే పెద్ద ఎత్తున నిర్వహించేందుకు ఇప్పటికే ప్రణాళిక రూపొందించారు. ఈ వేడుకలకు సంబంధించి మెగాస్టార్  చిరంజీవి తో పాటు అగ్రహీరోలను   ఈవెంట్ ఆర్గనైజర్స్ ఆహ్వానించారు.
రెబల్ స్టార్  ప్రభాస్‌ని  కూడా ఆహ్వానించేందుకు  తెలుగు ఫిల్మ్ డైరెక్టర్ అసోసియేషన్ సభ్యులు డార్లింగ్ ను కలిసి, ఇన్విటేషన్ ఇచ్చారు. ఈ ఈవెంట్ తప్పకుండా వస్తానని హామీ ఇవ్వడంతో పాటు  గ్రాండ్ గా సెలబ్రేట్ చేయించమంటూ తనవంతుగా రూ.35 లక్షల విరాళం కూడా ఇచ్చారు  డార్లింగ ప్రభాస్. ఈ విషయాన్ని అసోసియేషన్ ప్రెసిడెంట్ వెల్లడించారు. ఈ సెలబ్రేషన్స్ కు  టాలీవుడ్ యంగ్ హీరోలు నాని, నితిన్, అల్లరి నరేష్, సాయి ధరమ్ తేజ్, వరుణ్ తేజ్ సహా పలువురికి  ఇప్పటికే ఆహ్వానం అందింది.

ప్రభాస్ అందించిన విరాళం వివరాలకు దర్శకుడు మారుతి వెల్లడించారు. మన డైరెక్టర్స్ అసోసియేషన్ కోసం ప్రభాస్ రూ. 35 లక్షలు విరాళం ప్రకటించారని చెప్పారు.  ఇందాకే తను కాల్ చేసి ప్రభాస్ మాట్లాడారని, రూ. 35 లక్షలు తనవంతగా ఇస్తానని చెప్పినట్టు మారుతి తెలిపారు. దీంతో ప్రభాస్ పై దర్శకుల సంఘం సభ్యులు అభినందనల వర్షం కురిపించారు. ఇక ఈ విషయం బయటికి రావడంతో ప్రభాస్ అభిమానులు, నెటిజన్లు మరోసారి ప్రభాస్ మంచి మనసుని మెచ్చుకోలేకుండా ఉండలేకపోతున్నారు.