Rajinikanth:రాజ‌కీయాల్లో ర‌జ‌నీ సూప‌ర్ ప‌వ‌ర్‌గా ఎదిగేవారు:ర‌జ‌నీ స‌తీమ‌ణి ల‌త
Rajinikanth:సూప‌ర్ స్టార్ ర‌జ‌నీకాంత్ రాజ‌కీయాల్లోకి రావాల‌ని కొంత కాలం వేచి చూసి ఆ త‌రువాత తాను రాజ‌కీయాల్లోకి రావ‌డం లేదంటూ ప్ర‌క‌టించ‌డం తెలిసిందే. దీంతో ఆయ‌న అభిమానులు తీవ్ర నిరాశ‌కు గుర‌య్యారు. అభిమానుల త‌ర‌హాలోనే తాను కూడా ఈ విష‌యంలో బాధ‌ప‌డ్డాన‌ని ర‌జ‌నీ స‌తీమ‌ణి ల‌త ఆస‌క్తిక‌ర వ్యాఖ్య‌లు చేశారు. ర‌జ‌నీ రాజ‌కీయాల్లోకి అడుగు పెట్ట‌క‌పోవ‌డం త‌న‌ని బాధించింద‌న్నారు. ఆయ‌న‌లో నిజ‌మైన నాయ‌కుడిని చూశా. బ‌ల‌మైన కార‌ణంతోనే ఆయ‌న రాజ‌కీయాల్లోకి ప్ర‌వేశించ‌లేద‌న్నారు.
ప్ర‌స్తుతం త‌మిళ‌నాడులో ఉన్న ప‌రిస్థితుల దృష్ట్యా ఆయ‌నే క‌నుక రాజ‌కీయాల్లో ఉండి ఉంటే సూప‌ర్ ప‌వ‌ర్‌గా ఎదిగే వారు` అని తెలిపారు. `కొచ్చడయాన్` చీటింగ్ కేసు గురించి మాట్లాడుతూ ఆస‌క్తిక‌ర వ్యాఖ్య‌లు చేశారు. స‌మాజంలో పేరు పొందిన వ్య‌క్తిని అవ‌మానించ‌డం కోసం పెట్టిన కేసు ఇది. సెల‌బ్రిటీలుగా ఉన్నందుకు మేము మూల్యం చెల్లించుకుంటున్నాం` అన్నారు. ఈ కేసు పెద్ద‌ది కాక‌పోవ‌చ్చు కానీ దీని గురించి ప్ర‌చారం భారీగానే జ‌రిగింది.
నిజం చెప్పాలంటే ఇందులో ఎలాంటి మోసం జ‌ర‌గ‌లేదు. ప‌లు క‌థ‌నాల్లో ప్ర‌చారం అయిన‌ట్టు ఆ డ‌బ్బుతో నాకు ఎలాంటి సంబంధం లేదు. అది పూర్తిగా మీడియా వ‌న్‌, సంబంధిత వ్య‌క్తుల‌కు మ‌ధ్య‌న జ‌రిగిన వ్య‌వ‌హారం. ఇప్ప‌టికే వాళ్లు ఈ స‌మ‌స్య‌ను ప‌రిష్క‌రించుకున్నారు. ఈ విష‌యంలో నేను కేవ‌లం హామీదారుగా మాత్ర‌మే ఉన్నాను` అని తెలిపారు. ర‌జ‌నీకాంత్ క‌థ‌నాయకుడిగా ఆయ‌న కుమార్తె సౌంద‌ర్య ద‌ర్శ‌క‌త్వంలో 2014లో వ‌చ్చిన 3డీ మోష‌న్ క్యాప్చ‌ర్ మూవీ `కొచ్చడయాన్`.