Rajasaab : రాజాసాబ్ ఇదేం ట్విస్ట్.. ఆ క్యారెక్టర్ ప్రభాస్ కు సెట్టవుతుందా?

Rajasaab Movies : యంగ్ రెబల్ స్టార్ ప్రభాస్ వరుస సక్సెస్ లతో పాన్ ఇండియా నంబర్ వన్ హీరోగా అవతరించాడు. సలార్ లాంటి యాక్షన్ ప్యాక్డ్ సినిమా తర్వాత, కల్కి లాంటి సోషియే ఫాంటసీ సినిమాతో బాక్సాఫీస్ రికార్డులు తిరగరాశాడు. ఆ తర్వాత మరో కొత్త జోనర్ లో సినిమా చేస్తున్నాడు. అదే  మారుతి దర్శకత్వంలో తెరకెక్కతున్న రాజాసాబ్. ఇదో హర్రర్ కామెడీ జోనర్  అనే విషయం  ఇప్పటికే అందరికీ అర్థమైపోయింది.

మారుతి అడల్ట్ కామెడీ తో కుటంబ సమేతంగా చూడతగ్గ సినిమాలు చేశాడు. మారుతి చేసిన ఈ రోజుల్లో, బస్టాప్, ప్రేమకథా చిత్రమ్ వరసగా హిట్టయ్యాయి. హ్యా్ట్రిక్ హిట్స్ కొట్టిన ఈ దర్శకుడు ఆతర్వాత చేసిన మూడు సినిమాలు ప్లాఫ్ అయ్యాయి.  మళ్లీ భలేభలే మగాడివోయ్ సినిమాతో సక్సెస్ ట్రాక్ పట్టినా ఆ తర్వాత అన్ని ప్లాఫులే.  ఇందులో ప్రేమకథా చిత్రమ్ హర్రర్ కామెడీ నేపథ్యంలో తెరకెక్కగా సూపర్ హిట్టయ్యింది.

ఇప్పుడు అదే జోనర్ లో చేస్తున్న చిత్రం రాజాసాబ్. ఇందులో ప్రభాస్ మరోసారి డబుల్ రోల్ చేస్తున్నాడు.  అయితే ఇందులో ప్రభాస్ ను దెయ్యంగా చూపించబోతున్నాడని టాక్ వినిపిస్తున్నది. ప్రభాస్ బర్త్ డే సందర్భంగా రిలీజ్ చేసిన మోషన్ పోస్టర్ లో రెబల్ స్టార్ వృద్ధుడి గెటప్ లో కనిపించాడు. ఆ పాత్ర దెయ్యం క్యారెక్టర్ అనే చర్చ జరగుతున్నది. ఇప్పటి దాకా భారీ ఫైట్లతో  అభిమానులను అలరించిన ప్రభాస్ ను దెయ్యం క్యారెక్టర్ చూస్తారా లేదా అనే చర్చ సాగుతున్నది.  ఓ క్యారెక్టర్ లో సాఫ్ట్ గా కనిపిస్తున్న ప్రభాస్ మరో క్యారెక్టర్ భయంకరంగా కనిసిస్తే అభిమానులు జీర్ణించుకుంటారో లేదో వేచి చూడాల్సిందే.