SSMB29 : ఇండస్ట్రీకి  షాకిస్తున్న రాజమౌళి-ఎస్ఎస్ఎంబీ29 మూవీ.. ఇవేం లెక్కలు బాబోయ్

SSMB29 : బాహుబలి నుంచి పాన్ ఇండియా ప్రాజెక్టులు టేకప్ చేస్తున్న ఎస్ ఎస్ రాజమౌళి ఒక్కసారిగా రూటు మార్చాడా అంటే అవుననే అంటున్నారు ఫిలిం ఇండస్ట్రీకి చెందిన పలువురు ప్రముఖులు. తన సినిమాలతో బాలీవుడ్ పై దండెత్తిన రాజమౌళి తన నెక్స్ట్ ప్రాజెక్టును హాలీవుడ్ స్థాయిలో అనేంతగా ప్లాన్ చేస్తున్నాడట. ఇక రాజమౌళి వేస్తున్న లెక్కలు చూస్తుంటే బాలీవుడ్ సైతం షాకవుతున్నదట.

రాజమౌళి  తన ప్రతి సినిమాను లార్జర్ దెన్ లైఫ్ అన్నట్లుగా ప్లాన్ చేస్తుంటాడు. ఒక సినిమాని మించి మరో సినిమాను తెరకెక్కిస్తుంటాడు. సినిమా అనుకున్న రోజు బడ్జెట్ గుమ్మడికాయ కొట్టే వరకు అంచనాలు దాటిపోతుంటుంది. సినిమా మేకింగ్ లో ఖర్చుకు వెనకాడకుండా భారీ మొత్తంలో నిర్మాతలతో డబ్బులు పెట్టిస్తుంటాడు. సినిమా నిర్మాణంలో అయ్యే ఖర్చే కాదు. ఆ తర్వాత ప్రమోషన్స్ కు కూడా పెద్ద మొత్తంలో ఖర్చు చేయిస్తుంటాడు రాజమౌళి.

ప్రస్తుతం మహేష్ బాబు తో చేయబోయే సినిమా పై ఇప్పటికే భారీ అంచనాలు నెలకొన్నాయి. ఈ సినిమా షూటింగ్ మొదలుపెట్టక ముందే బడ్జెట్ లెక్కలు ఎవరి ఊహలకు కూడా అందడం లేదు. ఇప్పటి వరకు హయ్యెస్ట్ బడ్జెట్ ఆర్ఆర్ ఆర్ సినిమాకు కాగా, మహేష్ బాబుతో చేయబోయే సినిమాకు దాదాపు రూ. వెయ్యి కోట్ల వరకు ఖర్చుచేయబోతున్నట్లు టాక్ వినిపిస్తున్నది.  అయితే ఈ సినిమా గురించి టాలీవుడ్ సీనియర్ దర్శక నిర్మాత తమ్మారెడ్డి భరద్వాజ ఆసక్తికర వ్యాఖ్యలు చేశాడు.  మహేష్- రాజమౌళి సినిమా బడ్జెట్ దాదాపు రూ. వెయ్యి కోట్లు దాటే అవకాశాలు ఉన్నాయని  చెప్పుకొచ్చారు. ఈ సినిమాలో ఇంటర్నేషనల్ నటీనటులు ఇందులో భాగస్వామ్యం కాబోతున్నారని చెప్పారు. రూపాయి ఖర్చు పెడితే దాదాపు మూడింతలు లాభాలు తెచ్చిపెట్టగల దర్శకుడు రాజమౌళి అని, ఈ లెక్కన  దాదాపు రెండు వేల కోట్ల వరకు ఈ సినిమా వసూలు చేసే అవకాశం ఉంటుందని షాకింగ్ కామెంట్స్ చేశాడు. అంతర్జాతీయ స్థాయిలో కనెక్ట్ అయ్యేలా అమెజాన్ అడవుల నేపథ్యంతో ఈ సినిమాను రాజమౌళి తెరకెక్కించబోతున్నారని వెల్లడించారు. ఈ లెక్కన చూస్తే ఈ సినిమాతో రాజమౌళి ఏకంగా హాలీవుడ్ కే గురి పెట్టేలా ఉన్నాడు.