Rajamouli-Mahesh : మరో రెండు వారాల్లో రాజమౌళి ప్రెస్ మీట్..మహేష్ తో సినిమా గురించి షాకింగ్ అప్డేట్స్!

Rajamouli press meet in next two weeks..

Rajamouli-Mahesh : కోట్లాది మంది మహేష్ బాబు అభిమానులతో పాటు, ఇతర హీరోల అభిమానులు కూడా రాజమౌళి తో మహేష్ బాబు ఒక్క సినిమా చేస్తే బాగుండును అని కోరుకుంటూ వచ్చారు. ఎందుకంటే రాజమౌళి , మహేష్ బాబు ఇద్దరు కూడా వాళ్ళ క్రాఫ్ట్స్ లలో నెంబర్ 1 అని చెప్పొచ్చు. రాజమౌళి సినిమా అంటే అన్నీ వర్గాల ప్రేక్షకులు టాక్ తో సంబంధం లేకుండా ఎలా అయితే ఎగబడి వెళ్తారో, మహేష్ సినిమాలకు కూడా యూత్, ఫ్యామిలీ ఆడియన్స్ ఆ విధంగా వెళ్తారు.

మహేష్ బాబు సినిమాలు ఇటీవల వచ్చినవి అన్నీ కూడా టాక్ లేకుండా బాక్స్ ఆఫీస్ వద్ద వండర్స్ క్రియేట్ చేసిన సినిమాలే. అలాంటి మహేష్ బాబు ని రాజమౌళి లాంటి దర్శకుడి చేతిలో పెడితే బాక్స్ ఆఫీస్ వద్ద ఎన్ని అద్భుతాలు జరుగుతాయో ఊహించడానికి కూడా సాధ్యం కాదు. ఎప్పుడో పదేళ్ల క్రితం ఖరారు అయిన వీళ్లిద్దరి కాంబినేషన్, ఎట్టకేలకు ఇప్పుడు కార్యరూపం దాల్చింది.

ఇటీవలే రాజమౌళి తండ్రి విజయేంద్ర ప్రసాద్ స్క్రిప్ట్ వర్క్ మొత్తం పూర్తి చేసాడు. ఇటీవలే మహేష్ బాబు కి లుక్ టెస్ట్ కూడా మొదలైంది. మరో రెండు వారాల్లో ప్రీ ప్రొడక్షన్ వర్క్ కూడా మొదలు కాబోతుంది అట. ఈ సినిమా కి మొత్తం హాలీవుడ్ టెక్నిషియన్స్ పని చెయ్యబోతున్నట్టుగా తెలుస్తుంది. ఇప్పటికే ప్రముఖ హాలీవుడ్ నటి చెల్సియా ఎలిజిబిత్ ఇస్లాన్ అనే అమ్మాయిని  తీసుకున్నారు. ఈ సినిమాలో ఆమె ముఖ్య పాత్ర పోషించబోతుంది. ఇక మిగిలిన తారాగణం మరియు స్టోరీ లైన్ గురించి డైరెక్టర్ రాజమౌళి మరో రెండు వారాల్లో ప్రెస్ మీట్ ద్వారా తెలియచెయ్యబోతున్నాడట. తన ప్రతీ సినిమా షూటింగ్ మొదలు అయ్యే ముందు ప్రెస్ మీట్ పెట్టి స్టోరీ ని చెప్పే అలవాటు ఉన్న రాజమౌళి, ఈ సినిమాకి కూడా అదే చేయబోతున్నాడని టాక్.

ఈ చిత్రం లో బాలీవుడ్ సూపర్ స్టార్స్ తో పాటుగా, వివిధ ఇండస్ట్రీ లకు సంబంధించిన క్రేజీ స్టార్ హీరోలు కూడా నటించబోతున్నారట. ఇప్పటికే అమీర్ ఖాన్ ఈ సినిమాలో విలన్ రోల్ చేస్తున్నాడు అనే టాక్ ఉంది. ఇది ఎంత వరకు నిజం అనేది కూడా మరో రెండు వారాల్లో తెలియబోతుంది. ప్రీ ప్రొడక్షన్ వర్క్ మొదలయ్యాక మూడు నెలలు వర్క్ షాప్ ని నిర్వహించబోతున్నాడట రాజమౌళి. ఏడాది చివర్లో రెగ్యులర్ షూటింగ్ మొదలయ్యే అవకాశాలు ఉన్నాయి.