Rajamouli-Mahesh
Rajamouli-Mahesh : సూపర్ స్టార్ మహేశ్ బాబు-టాలీవుడ్ జక్కన్న ఎస్ఎస్ రాజమౌళి కాంబోలో ఒక సినిమా రాబోతోందని మనకు తెలిసింది. ఈ సినిమాకు సంబంధించి విజయేంద్ర ప్రసాద్ స్టోరీని కూడా అందించారు. స్క్రీప్ట్ వర్క్ ను పూర్తి చేసిన రాజమౌళి #SSMB29 కోసం మహేశ్ ను శిక్షణ నిమిత్తం వేరే దేశానికి కూడా పంపించాడు. అయితే ఇవన్నీ సోషల్ మీడియాలో వైరల్ అవుతున్నా.. ఇప్పటి వరకు సినిమా.. ఆ సినిమా స్టోరీ.. తదితరాలపై ఎలాంటి అధికారిక ప్రకటన రాలేదు.
కేవలం జక్కన్న డైరెక్షన్ లో మహేష్ బాబు హీరోగా కేఎల్ నారాయణ నిర్మాణంలో ‘దుర్గా ఆర్ట్స్ బ్యానర్’పై ఒక సినిమా తెరకెక్కబోతోందన్న వార్త మాత్రమే అధికారికంగా బయటకు వచ్చింది. కథ అందించిన విజయేంద్ర ప్రసాద్ మాత్రం కొన్ని కొన్ని సందర్భాల్లో కొన్ని కొన్ని క్లూస్ ఇచ్చారు. కానీ ఇప్పటి వరకు రాజమౌళి నోటి నుంచి ఎలాంటి వార్తా రాలేదనే చెప్పాలి. ఈ నేపథ్యంలో మరికొద్ది రోజుల్లో రాబోతున్న మహేశ్ బాబు పుట్టినరోజు (ఆగస్టు 9వ తేదీ) నాడు ఈ సినిమాకు సంబంధించి అధికారిక ప్రకటన కానీ లేదా సినిమాకు సంబంధించి ఏదో ఒక ప్రకటన ఉండవచ్చని కొద్ది రోజుల నుంచి పెద్ద ఎత్తున ప్రచారం జరిగింది.
మహేశ్ బాబు అభిమానులు నిరాశపడేలా ఇండస్ట్రీ వర్గాల నుంచి షాకింగ్ న్యూస్ బయటకు వచ్చింది. అదేంటంటే.. ఈ సారి మహేశ్ బాబు పుట్టిన రోజు సందర్భంగా ఈ సినిమాకు సంబంధించి ఎలాంటి అప్ డేట్స్ బయటకు రావడం లేదని తెలుస్తోంది. కాబట్టి మహేశ్ అభిమానులు ఆశలు పెంచేసుకొని సినిమా నుంచి అప్డేట్ వస్తుందని ఆశిస్తే మాత్రం నిరాశ తప్పదని హెచ్చరిస్తున్నారు. ఇక మహేశ్ బాబు బర్త్ డే సందర్భంగా ఆయన కెరీర్ లో క్లాసిక్ హిట్ గా నిలిచిన మురారిని రీ రిలీజ్ చేసేందుకు ప్లాన్ చేశారు. కృష్ణవంశీ దర్శకత్వంలో వచ్చిన మురారీ అప్పట్లో భారీ బ్లాక్ బస్టర్ గా నిలవడమే కాదు.. ఫ్యామిలీ ఆడియన్స్ కు బాగా కనెక్ట్ అయ్యింది కూడా.