Rajamouli : ప్లీజ్ అంటూ ఆ హీరోయిన్ ను బతిమిలాడుతున్న రాజమౌళి

Rajamouli – aliabhat

Rajamouli : రాజమౌళి.. ప్రస్తుతం ఈ పేరుతో పరిచయాలు అవసరం లేదు. తన కెరీర్లోనే అపజయం ఎరుగని దర్శకుడిగా కీర్తి గడించారు. భారతీయ సినీ పరిశ్రమకు ఆస్కార్ అందించిన లెజెండరీ డైరెక్టర్.  తెలుగు సినిమా ఖ్యాతిని అంతర్జాతీయ వేదికపై రెపరెపలాడించారు రాజమౌళి. ఆర్ఆర్ఆర్ సినిమాతో ప్రపంచవ్యాప్తంగా పాపులరైన భారతీయ దర్శకుడు దర్శక ధీరుడు రాజమౌళి. అలాంటి దర్శకుడి సినిమాలో కనీసం చిన్న పాత్రయినా చాలు ఓకే అంటుంటారు చాలా మంది ప్రముఖ నటులు. ఆయన దర్శకత్వంలో సినిమా అంటే కళ్లు కాయలు కాచేలా ఎదురు చూస్తుంటారు. ఎప్పుడెప్పుడు తమకు అవకాశం వస్తుందా.. ఎప్పుడెప్పుడు చేద్దామా అని ఉవ్విళ్లూరుతుంటారు.  అటువంటి రాజమౌళి ప్రస్తుతం మహేష్ బాబుతో పాన్ వరల్డ్ సినిమా చేస్తున్నారు.

యాక్షన్, అడ్వెంచర్ గా భారీ బడ్జెట్ తో ఈ సినిమా తెరకెక్కబోతోంది. ప్రస్తుతం ప్రీ ప్రొడక్షన్ పనులు జరుగుతున్నాయి. అంతర్జాతీయంగా ఉన్న స్టార్లను ఈ సినిమాలో భాగస్వాములను చేయాలని  రాజమౌళి ప్రయత్నిస్తున్నారు. సినిమాలో ఓ కీలక పాత్రలో బాలీవుడ్ హీరోయిన్ అలియాభట్ అయితే బాగుంటుందని భావించారట. దీంతో రాజమౌళి  అలియా భట్ ను సంప్రదించగా ఆమె నో చెప్పిందట.  ఆర్ఆర్ఆర్ సినిమాలో హీరోయిన్ గా నటించిన విషయం తెలిసిందే. ఆ సినిమాలో అలియా బట్ నటించిన చాలా సీన్లన ఎడిటింగ్ సమయంలో లేపేశారట… దీంతో ఆ సినిమాకు అందరికీ పేరు వచ్చినా అలియాకు మాత్రం లాభించలేదట.

అందుకే సినిమా బ్లాక్ బస్టర్ హిట్  అయినప్పటికీ సక్సెస్ ఎంజాయ్ చేయలేకపోయానని, కేవలం పది నిముషాలున్నానంటూ బాధపడింది. అందుకే ఇప్పుడు రాజమౌళి ఎంతగా రిక్వెస్ట్ చేస్తున్నా నో చెబుతోంది. కానీ అలియా అయితేనే ఆ క్యారెక్టర్ బాగుంటుందని రాజమౌళి భావిస్తున్నారట. ఇప్పుడే కాదు ఆర్ఆర్ఆర్ విడుదలైన తర్వాత వీరిద్దరూ ఎక్కడ కలుసుకున్నా దీని మీదే టాపిక్ నడుస్తుందని చెబుతుంటారు.  చివరకు జక్కన్న లాంటి దర్శకుడు అడుగుతున్న అలియా మాత్రం చేయనంటే చేయను అంటుందట.  మరోసారి బతిమలాడుతారో లేదంటే వేరే ఎవరినైనా తన సినిమాలో నటింపజేస్తారో చూడాలి.