Rajamouli and Rajini
Rajamouli : దర్శకుధీరుడు ఎస్ఎస్ రాజమౌళి అప్పుడప్పుడు తన సినిమాల్లో తళుక్కున్న మెరుస్తుంటాడు. షూటింగ్ టైమ్ కి తను ముందుగా సెలెక్ట్ చేసుకున్న నటులు రాకపోయినా, అతను సరిగా చేయకపోయిన ఒక్క సీన్ కే పరిమితమయ్యే రోల్స్ చేస్తుంటాడు రాజమౌళి. ఇక తను తీసే ప్రతి సినిమాల్లో ప్రతి సీన్ ను తనే స్వయంగా నటించి చూపిస్తుంటాడు. అలా రాజమౌళి నటనను చూసిన ఇద్దరు టాలీవుడ్ దర్శకులు తమ సినిమాల్లో అలా వచ్చి ఇలా వెళ్లిపోయే క్యారెక్టర్లు చేయించారు.
గతంలో బాహుబలి పార్ట్-1లో ఓ ఐటెం సాంగ్ ముందు వచ్చే ఓ చిన్న సన్నివేశంలో ప్రభాస్, రానాలతో కలిసి స్ర్కీన్ షేర్ చేసుకున్నాడు. నాని ఈగ సినిమాలోనూ ఓ చిన్న క్యారెక్టర్ చేశాడు. ఇటీవల లేటెస్ట్ బ్లాక్ బస్టర్ కల్కి సినిమాలో ప్రభాస్ వెంట పడే ఓ చిన్న రోల్ చేశాడ రాజమౌళి. ఈ సీన్ ప్రేక్షకులను విపరీతంగా ఆకట్టుకుంది. ఇక యాక్షన్ సీన్స్ కూడా హీరోలకంటే ముందుగా తనే రిహార్సల్స్ చేస్తుంటాడు. ఆ మేకింగ్ వీడియోలు కూడా సోషల్ మీడియాలో వైరల్ అయ్యాయి.
ప్రస్తుతం ఓ సౌత్ సూపర్ స్టార్ సినిమాలో ఓ కీ రోల్ కు రాజమౌళిని ఆ సినిమా దర్శకుడు సంప్రదించినట్లు తెలిసింది. తమిళ టాప్ డైరెక్టర్ లోకేష్ కనగరాజ్ దర్శకత్వంలో సూపర్ స్టార్ రజినీకాంత్ హీరోగా కూలీ సినిమా తెరకెక్కుతున్న విషయం తెలిసిందే. ఇందులో ఇంపార్టెంట్ రోల్ కోసం దర్శకుడు లోకేష్ రాజమౌళిని సంప్రదించాడట. ఇదే నిజమైతే కూలీ సినిమాకు మరింత హైప్ రావడం ఖాయమని, సినిమా భారీ హిట్టవుతుందని ఇండస్ర్టీలోని పలువురు చర్చించుకుంటున్నారు.