Krishna river floods : మహారాష్ట్ర, తెలంగాణలో వర్షాలు.. కృష్ణా నదికి మళ్లీ వరద

Krishna river floods

Krishna river floods : మహారాష్ట్ర, తెలంగాణలో కురుస్తున్న వర్షాలతో కృష్ణా నదిలో మళ్లీ వరదలతో ప్రవాహం పెరుగుతోంది. నిన్న (సోమవారం) ప్రకాశం బ్యారేజీకి 45 వేల క్యూసెక్కుల వరదనీరు వచ్చినట్లు ఏఈ దినేశ్ తెలిపారు. ఆ వరదను సముద్రంలోకి విడుదల చేస్తున్నట్లు చెప్పారు. కృష్ణా నది పరివాహక ప్రాంతంలో నివాసముంటున్న ప్రజలు అప్రమత్తంగా ఉండాలని తాడేపల్లి తహసీల్దార్ ఓ ప్రకటనలో కోరారు. మత్స్యకారులు నదిలో చేపల వేటకు వెళ్లొద్దన్నారు. తాజా పరిస్థితిల నేపథ్యంలో రెవెన్యూ అధికారులు ప్రజలకు అందుబాటులో ఉండాలని ఆదేశించారు.