CM Chandrababu : ఏపీలో పలుచోట్ల వర్షాలు కురుస్తున్నాయి. నాలుగు రోజులపాటు వర్షాలు కురుస్తాయని వాతావరణ శాఖ తెలిపింది. ఈ నేపథ్యంలో సీఎం చంద్రబాబు అధికార యంత్రాంగాన్ని అప్రమత్తం చేశారు. సోమవారం వర్షాల గురించి కలెక్టర్లు, మంత్రులు, అధికారులతో టెలీ కాన్ఫరెన్స్ నిర్వహించారు. చెరువులు, కాలువలు, నీటి వనరుల వద్ద అప్రమత్తంగా ఉండాలని, హెచ్చరిక బోర్టులు ఏర్పాటు చేయాలని అధికారులకు సూచించారు. వర్షాలపై ప్రజల మొబైల్ ఫోన్లకు మెసేజ్ లు పంపి అప్రమత్తం చేయాలన్నారు. కంట్రోల్ రూంంలు ఏర్పాటు చేసి ప్రజల వినతులపై వేగంగా స్పందించాలని చంద్రబాబు అధికారులకు సూచించారు.