Rain in Hyderabad : హైదరాబాద్ లో వర్షం.. రాకపోకలు ఇబ్బంది

Rain in Hyderabad

Rain in Hyderabad : హైదరాబాద్ నగరంలోని పలు ప్రాంతాల్లో తెల్లవారుజాము నుంచి వర్షం కురుస్తోంది. దీంతో ప్రజల రాకపోకలకు ఇబ్బంది ఏర్పడుతోంది. రహదారులపైకి చేరిన వర్షపునీటితో వాహనాల రాకపోకలకు అంతరాయం కలుగుతోంది. పాఠశాలలు, కళాశాలలకు వెళ్లే విద్యార్థులు, కార్యాలయాలకు వెళ్లే ఉద్యోగులు అసౌకర్యానికి గురవుతున్నారు. రోడ్డుపై నీటితో వాహనాలకు ట్రాఫిక్ ఇబ్బందులు ఏర్పడుతున్నాయి.

పటాన్ చెరు, కూకట్ పల్లి, మియాపూర్, మూసాపేట్, ఎర్రగడ్డ, సనత్ నగర్, అమీర్ పేట్, బేగంపేట్ లలో వర్షం కురుస్తోంది. సికింద్రాబాద్, జూబ్లీహిల్స్, లక్డీకాపూర్, ఖైరతాబాద్, నాంపల్లి, అబిడ్స్, కోఠి, దిల్ సుఖ్ నగర్, వనస్థలిపురం, హయత్ నగర్ తదితర ప్రాంతాల్లో మోస్తరు వర్షం కురుస్తోంది. దీంతో అక్కడక్కడ ట్రాఫిక్ సమస్య ఏర్పడుతోంది.