Pushpa The Rule : ‘పుష్ప ది రూల్’ కౌంట్‌డౌన్‌ స్టార్ట్.. పోస్టర్ షేర్‌ చేసిన మైత్రీ మూవీ మేకర్స్..
Pushpa The Rule Release Date
Pushpa The Rule : అల్లు అర్జున్ – సుకుమార్ కాంబోలో వస్తున్న యాక్షన్‌ థ్రిల్లర్‌ సినిమా ‘పుష్ప2 :ది రూల్’. శరవేగంగా చిత్రీకరణ జరుగుతోంది. మూవీ రిలీజ్‌కు కౌంట్‌డౌన్‌ మొదలైంది. మరో 100 రోజులు (డిసెంబర్‌ 6)ల్లో ఇది ప్రపంచ వ్యాప్తంగా ప్రేక్షకుల ముందుకు రానుంది. ఈ విషయాన్ని చిత్రబృందం పోస్టర్ ద్వారా షేర్‌ చేసింది. ‘మరో వంద రోజుల్లో అతడు (పుష్ప) రూల్ చేయనున్నాడు. అద్భుతమైన అనుభూతి పొందేందుకు సిద్ధంగా ఉండండి’ అని టీమ్ పేర్కొంది. దీనిపై అభిమానులు ఆనందం వ్యక్తం చేశారు. ‘వెయిటింగ్‌’ అంటూ కామెంట్స్‌ చేస్తున్నారు.
మొదటి భాగానికి మించి ‘పుష్ప2: ది రూల్’ ఉంటుందని సుకుమార్ చెప్తున్నారు. ఫస్ట్ పార్టులో మిగిలిన ఎన్నో ప్రశ్నలకు ‘పార్ట్‌2’ సమాధానంగా నిలుస్తుందన్నారు. మరీ ముఖ్యంగా సిండికేట్‌తో పుష్పరాజ్‌ ఆడే గేమ్, ఎమోషనల్‌ సీన్స్‌, పుష్ప vs భన్వర్‌సింగ్‌ షెకావత్‌ మధ్య డ్రామా ప్రతీది ప్రేక్షకుడిని అలరిస్తుందన్నారు. దేవిశ్రీ ప్రసాద్‌ పాటలు ప్రస్తుతం యూ ట్యూబ్‌లో ట్రెండ్‌ అవుతున్నాయి. కథానాయికగా రష్మిక నటిస్తుండగా, ఫహద్‌ ఫాజిల్, సునీల్‌, అనసూయ, ధనుంజయ, జగదీశ్‌ ప్రతాప్‌ లీడ్ రోల్స్ చేస్తున్నారు. రూ. రూ. 500 కోట్ల భారీ బడ్జెట్‌తో ‘మైత్రీ మూవీ మేకర్స్’ ఈ సినిమాను నిర్మిస్తోంది. డిసెంబరు 6న పాన్‌ ఇండియా స్థాయిలో ‘పుష్ప2’ విడుదల కానుంది.
చిత్ర నిర్మాణ సంస్థ మైత్రీ మూవీ మేకర్స్ రిలీజ్ డేట్ పోస్టర్ విడుదల చేయడంతో ఫ్యాన్స్ ఎగ్జయిట్ అవుతున్నారు. ఇన్నాళ్లు హీరో అల్లు అర్జున్, డైరెక్టర్ సుకుమార్ మధ్య విభేదాలు వచ్చాయిన షూటింగ్ ఆగిపోయిందని వస్తున్న గాసిప్ లకు తెరపడింది. చిత్ర నిర్మాణ సంస్థనే పోస్టర్ రిలీజ్ చేయడంతో ఫ్యాన్స్ ఊపిరి పీల్చుకున్నారు.