Pushpa 2
Pushpa 2: ఇప్పటి వరకు ఏ భారతీయ సినిమా కూడా ఇలాంటి ఘనత సాధించలేదు. ఇండియన్ సినిమా హిస్టరీలో ఈ స్థాయిలో రిలీజ్ ఎప్పుడూ కాలేదు. స్టార్ హీరో అల్లు అర్జున్ హీరోగా సుకుమార్ దర్శకత్వంలో తెరకెక్కిన ‘పుష్ప: ది రూల్’ చిత్రం డిసెంబర్ 5న ప్రపంచవ్యాప్తంగా విడుదల కానుంది. ఈ చిత్రం విడుదలైన రోజే రికార్డులు సృష్టిస్తుంది. ఈ సినిమా ప్రపంచవ్యాప్తంగా 11,500 స్క్రీన్లలో విడుదల కానుంది. తాజాగా ఈ విషయాన్ని మేకర్స్ వెల్లడించారు. ఆరు భాషల్లో ప్రపంచవ్యాప్తంగా 11,500 స్క్రీన్లలో పుష్ప: ది రూల్‌ని విడుదల చేయడానికి భారీ ప్లాన్స్ చేస్తున్నారు.
ఇండియాలో 6,500 స్క్రీన్స్‌లో, ఓవర్సీస్‌లో 5000 స్క్రీన్స్‌లో ఈ సినిమా విడుదల కానుంది. ఇప్పటి వరకు ఏ భారతీయ సినిమా కూడా ఈ స్థాయిలో విడుదల కాలేదని ట్రేడ్ వర్గాలు చెబుతున్నాయి. బిగ్గెస్ట్ రిలీజ్ ఇండియన్ ఫిల్మ్ గా పుష్ప 2 కచ్చితంగా రికార్డ్ క్రియేట్ చేస్తుందని అంటున్నారు. ఈ సినిమా కలెక్షన్లలో కూడా సరికొత్త రికార్డులు సృష్టిస్తుందని ట్రేడ్ పండితులు అంచనా వేస్తున్నారు. దీంతో అల్లు అర్జున్ అభిమానులు ఆనందంలో మునిగిపోయారు. అల్లు అర్జున్ సరసన రష్మిక మందన్న నటిస్తున్న ఈ చిత్రంలో ఫహద్ ఫాజిల్, సునీల్, అనసూయ కీలక పాత్రల్లో కనిపించనున్నారు. మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ ఈ చిత్రాన్ని నిర్మిస్తున్నారు.