Pushpa 2
Pushpa 2 : మోస్ట్ అవైటెడ్ సీక్వెల్ ‘పుష్ప 2: ది రూల్’ ప్రస్తుతం విడుదల సమస్యలను ఎదుర్కొంటోంది. దీనిపై తెలుసుకోవాల్సి అవసరం ఎంతైనా సాధారణ ప్రేక్షకుడికి సైతం ఉంది. ఈ కీలక ప్రాజెక్టులో ఇగోలు ప్రముఖ పాత్ర పోషిస్తున్న తీరును చూస్తుంటే ఇండస్ట్రీ ఎలా రన్ అవుతుందో చెప్పకనే చెప్పవచ్చు.
ప్రస్తుతం పుష్ప 2: ది రూల్ యూనిట్ లో హీరో అల్లు అర్జున్ నుంచి దర్శకుడు సుకుమార్ (నిందలు వేస్తున్నారు) నుంచి నిర్మాతలు మైత్రి నవీన్, రవి వరకు ఎవరూ సంతోషంగా కనిపించడం లేదు. అయితే, ఇదంతా తాత్కాలికమే. సుకుమార్ ఫైనల్ రిలీజ్ కాపీని డిసెంబర్ లో రెడీ చేసినా లేదంటే 2025 మొదటి త్రైమాసికానికి వాయిదా వేసినా పుష్ప 2 తన క్రేజ్ ను కోల్పోదు. ఎప్పుడు విడుదలైనా విపరీతమైన బజ్ క్రియేట్ అవుతుంది. ఇప్పుడు ఉన్న ఇష్యూస్ ను సినీ అభిమానులు మర్చిపోతారు. ఫైనాన్స్ పై వడ్డీలు కుమ్మరించడం వల్ల నిర్మాతలు నష్టపోవడం ఖాయమని, అయితే భారీ ప్రీ-సేల్ డిమాండ్ దృష్ట్యా ఇది వారికి పెద్ద షాక్ కాదని అంటున్నారు.
అల్లు అర్జున్ ఇంత కాలం ఒకే ప్రాజెక్టుతో ఉండడంతో కొంత అసహనంగా ఉన్నాడని ఇండస్ట్రీలో టాక్ ఉంది. అయితే, పుష్ప ఆయనకు జాతీయ అవార్డును కట్టబెట్టింది కాబట్టి పుష్ప 2 విషయంలో మరింత ఇంట్రస్ట్ తీసుకోవాలని అనుకుంటున్నాడు. అందుకే ఏ ప్రాజెక్టును మొదలు పెట్టకుండా సీక్వెల్ పూర్తయ్యే వరకు అన్ని కాల్ షీట్లు సుకుమార్ కే ఇచ్చాడు. కానీ, సుకుమార్ ఇంకా ఫైనల్ కాపీ రెడీ చేయలేకపోతుండడంతో హీరోకు కొంత కోపం రావడం సహజమే. క్లుప్తంగా చెప్పాలంటే, ఇది తాత్కాలిమైన ఇగోల వల్ల వచ్చిన క్లాష్ మాత్రమే. కానీ ఇప్పుడు అందరూ హ్యాపీగా లేకపోయినా సినిమా రిలీజ్ అయినప్పుడు అవన్నీ ఉంటాయి.