pushpa
Pushpa 2 : ఇండియన్ సినిమా మేకింగ్ లో బిగ్గెస్ట్ మూవీగా మారిన పుష్పకు సీక్వెల్ పుష్ప2 రాబోతోంది. అల్లు అర్జున్ ప్రధాన పాత్రలో నటించిన ఈ మూవీ విదేశాలలో సైతం మంచి కాలెక్షన్లను రాబట్టింది. ఇక పుష్ప2 హిందీ బెల్ట్ తో సహా అన్ని సర్క్యూట్స్ లోనూ సరికొత్త రికార్డులను క్రియేట్ చేయడానికి రెడీ అవుతోంది. హిందీ బెల్ట్ లో పుష్ప 2 ఓపెనింగ్ డే కలెక్షన్లు ఊహించని విధంగా ఉంటాయని మేకర్స్, అల్లు ఫ్యాన్స్ అంచనా వేస్తున్నారు. హిందీ రాష్ట్రాల్లో ఈ సినిమా రూ. 50 కోట్లకు పైగా నెట్ ఓపెనింగ్స్ సాధించడం దాదాపు ఖాయమైంది.
ఇది ఆల్ టైమ్ బిగ్గెస్ట్ ఓపెనింగ్ గా మారే అవకాశం ఉందనే చర్చ ఇప్పుడు కొనసాగుతోంది. పుష్ప2 హిందీ బాక్సాఫీస్ వద్ద రూ. 65 కోట్లకు పైగా నెట్ తో ఓపెనింగ్స్ సాధిస్తే షారుఖ్ ఖాన్ జవాన్ ను అధిగమించి హిందీలో ఏ సినిమాకైనా బిగ్గెస్ట్ ఓపెనింగ్ డేను ఈజీగా సాధిస్తుంది. ప్రివ్యూలు, పాజిటివ్ టాక్ తో సహా ఈ సినిమా కేవలం హిందీ నుంచే తొలిరోజు రూ. 75 కోట్ల మార్కును టచ్ చేసే అవకాశాలు ఉన్నాయి.
సీక్వెల్ చుట్టూ ఉన్న హైప్, ఫస్ట్ పార్ట్ లో ఉన్న డీప్ ఎంట్రీని పరిగణనలోకి తీసుకుంటే పుష్ప 2కి ఈ సంఖ్యే టార్గెట్ అవుతుంది. అదే సమయంలో విడుదలకు ముందే సరైన స్థాయిలో హైప్ క్రియేట్ చేయడం కీలకం. కొన్ని రోజుల్లో రాబోతున్న ట్రైలర్, సాంగ్స్ పుష్ప 2 ఎటు వెళ్తుందో డిసైడ్ చేస్తాయి.