Pushpa-2 New Poster
Pushpa-2 : గతంలో వచ్చిన సూపర్ హిట్ మూవీ ‘పుష్ప’కు సీక్వెల్ గా ‘పుష్ప-2’ సినిమా వస్తున్న విషయం తెలిసిందే. సుకుమార్ దర్శకత్వంలో రాబోతున్న ఈ సినిమాలో ఐకాన్ స్టార్ హీరో అల్లు అర్జున్ తో పాటు రష్మిక మందన్న నటిస్తోంది. ఈ సినిమాలో బన్నీ లుక్ కోసం ఫ్యాన్స్ వెయిట్ చేస్తుండగా.. మూవీ టీం కూడా అప్ డేట్స్ ఇస్తూ సినిమాపై హైప్ క్రియేట్ చేస్తున్నారు. ఇటీవల రిలీజైన టీజర్ యూట్యూబ్ లో రికార్డులను బ్రేక్ చేసింది. అందులో అల్లు అర్జున్ అమ్మవారి గెటప్ లో కనిపించి అందరినీ ఆకట్టుకున్నారు. పుష్ప-2 టీజర్ భారీ వ్యూస్ తో యూట్యూబ్లో రికార్డులు సృష్టించింది.
ఇక మే డే సందర్భంగా పుష్ప సాంగ్ ను రేపు విడుదల చేయనున్నట్లు ప్రకటించడంతో పాటు ఒక పోస్టర్ ను విడుదల చేశారు. ఆ పోస్టర్ లో అల్లు అర్జున్ కటౌట్ అదిరిపోయింది. రేపు విడుదలయ్యే సాంగ్ కోసం ఫ్యాన్స్ వెయిట్ చేస్తున్నారు. పుష్ప-2 ను ఆగస్టు 15న విడుదల చేయనున్నట్లు చిత్ర యూనిట్ ప్రకటించింది.