Jagan London Tour
Jagan London Tour : గత నెల రోజులుగా రాష్ట్రంలో ప్రచార కార్యక్రమాలతో బిజీ బిజీగా గడిపిన ఏపీ సీఎం జగన్ మోహన్ రెడ్డి టూర్ ప్లాన్ చేసుకున్నాడు. ఎన్నికలు ముగిసిన వెంటనే తన భార్యతో కలిసి లండన్ కు వెళ్లాలనుకున్నారు. అయితే ఆయనపై కేసులు ఉండడంతో కోర్టు అనుమతి పొందాలి. ఆ మేరకు ఆయన మంగళవారం కోర్టు అనుమతి తీసుకున్నారు.
సీబీఐ కోర్టు అనుమతివ్వడంతో అనుకున్నట్లుగానే 17తేదీ నుంచి జూన్ 1వ తేదీ వరకు ఏపీ సీఎం వైఎస్ జగన్ లండన్ పర్యటనకు వెళ్లనున్నారు. అయితే ఎన్నికల తర్వాత రాష్ట్రంలో శాంతిభద్రతల పరిస్థితి అంత బాగా లేనందున సీఎం తన పర్యటనను వాయిదా వేసుకోవాలని వైసీపీ విమర్శకులు గట్టిగానే సూచనలు చేస్తున్నారు.
ఈ తరుణంలో వైఎస్ జగన్ గైర్హాజరులో ఏం జరుగుతుందోనని ఆంధ్రప్రదేశ్ కు చెందిన కొందరు ఆందోళన చెందుతున్నారు. గతేడది ఆయన విదేశీ పర్యటనకు వెళ్లినప్పుడు తెలుగుదేశం అధినేత చంద్రబాబు నాయుడును పోలీసులు అరెస్ట్ చేసి జైలులో పెట్టారు.
ఇప్పుడు జగన్ మళ్లీ లండన్ ట్రిప్ వెళ్లడంతో ఏం జరుగుతుందోనని ఏపీ ప్రజలు ఆందోళన చెందుతున్నారు. అది పబ్లిక్ టాక్ అయినప్పటికీ, ఖచ్చితంగా ఈ సారి ఏదో ఒక కారణం వల్ల పరిస్థితులు కుదుటపడడం లేదు.
ఎన్నికల ఫలితాలు వచ్చే వరకు వరకు శాంతిభద్రతలు, తదుపరి పోలీసు చర్యలకు సంబంధించిన నిబంధనలను ఎన్నికల సంఘం నిర్దేశిస్తూనే ఉంటుంది. అవసరమైతే గవర్నర్ తన ప్రత్యేక అధికారాలను ఉపయోగించి రాష్ట్రంలో పరిస్థితిని చక్కదిద్దవచ్చు. కానీ అప్పుడు అధికారంలో ఉన్న వారి ప్రత్యక్ష ఆదేశాలతో ఏసీబీ దాడులు, సీఐడీ అరెస్టులు ఉండవు.