OG Release date announced
Pawan Kalyan OG : పవర్ స్టార్ పవన్ కళ్యాణ్ ప్రస్తుతం నటిస్తున్న సినిమాలలో అభిమానుల్లో భారీ అంచనాలు రేకెత్తించిన చిత్రం ‘ఓజీ’. సుజిత్ దర్శకత్వం లో తెరకెక్కుతున్న ఈ సినిమా పై అటు అభిమానుల్లో ఏ రేంజ్ అంచనాలు ఉన్నాయో, ఇటు ప్రేక్షకుల్లో కూడా అదే రేంజ్ అంచనాలు ఉన్నాయి. ప్రస్తుతం ఇండియా లో యాక్షన్ జానర్ల మేనియా ఒక రేంజ్ లో కొనసాగుతుంది.
ఈ మేనియా లో పవర్ స్టార్ లాంటి హీరో అలాంటి జానర్ ని ముట్టుకుంటే కచ్చితంగా అంచనాలు పెరగడం సహజం. అందుకే ఈ సినిమా పై ఎక్కడ లేని హైప్ ఏర్పడింది. ఇప్పటికే 70 శాతం కి పైగా షూటింగ్ ని పూర్తి చేసుకున్న ఈ సినిమా కి పవన్ కళ్యాణ్ ప్రస్తుతం చిన్న బ్రేక్ ఇచ్చాడు. ఆంధ్ర ప్రదేశ్ లో ఎన్నికల సందర్భంగా ప్రస్తుతం తన ఫోకస్ మొత్తం దాని వైపుకు షిఫ్ట్ చేసాడు. ఎన్నికలు పూర్తి అయినా వెంటనే ఈ సినిమా సెట్స్ మీదకి వెళ్లనుంది.
ఇకపోతే ఈ సినిమాని సెప్టెంబర్ 27 వ తారీఖున విడుదల చేయబోతున్నట్టు మేకర్స్ కాసేపటి క్రితమే ఒక పోస్టర్ ద్వారా అధికారిక ప్రకటన చేసారు. ఈ పోస్టర్ లో పవన్ కళ్యాణ్ తన చేతిలో గాజు గ్లాస్, అందులో టీ పట్టుకొని ఆకాశం వైపు స్టైల్ గా నిల్చొని చూస్తున్న స్టిల్ అదిరిపోయింది. 11 ఏళ్ళ క్రితం సెప్టెంబర్ 27 వ తారీఖున పవన్ కళ్యాణ్ ‘అత్తారింటికి దారేది’ చిత్రం విడుదలై ఎంత పెద్ద బ్లాక్ బస్టర్ అయ్యిందో మన అందరికీ తెలిసిందే.
అప్పటి వరకు ఉన్న రికార్డ్స్ అన్నిటిని బద్దలు కొట్టి ఆల్ టైం ఇండస్ట్రీ హిట్ గా నిల్చింది ఈ చిత్రం. మళ్ళీ తేదీన పవన్ కళ్యాణ్ అభిమానులు ఎన్నో ఆశలు పెట్టుకున్న ‘ఓజీ’ కూడా విడుదల అవ్వబోతుంది. ఫలితం అదే విధంగా ఉండాలని, రాజమౌళి సినిమా రికార్డ్స్ ని బద్దలు కొట్టే సత్తా పవన్ కళ్యాణ్ కి ఉందని ఈ సినిమాతో అందరికీ నిరూపితం కావాలని అభిమానులు ఆశిస్తున్నారు. మరి వాళ్ళ కోరిక నెరవేరుతుందో లేదో చూడాలి .