Prithviraj : బిగ్ బాస్ హౌస్ లో పృథ్వీరాజ్ దారుణాలు అన్నీ ఇన్నీ కావు.. రెడ్ కార్డు ఇచ్చి పంపించేయడం మిగిలిందా?

Prithviraj

Bigg Boss Prithviraj : యష్మీ, ప్రేరణ ఎగ్స్ కోసం వచ్చినపుడు పృథ్వీరాజ్ చేసిన పనికి అందరూ తీవ్రంగా విమర్శిస్తున్నారు. అసలు మనిషి లాగా ప్రవర్తించడం మానేసిన పృథ్వీని ఇంకా హౌస్ లో ఎందుకు ఉంచుతున్నారని కామెంట్స్ చేస్తున్నారు. బిగ్ బాస్ ఇచ్చిన టాస్క్ లో పృథ్వీరాజ్ పరిధి దాటి ప్రవర్తించాడు. యష్మి, ప్రేరణ లను ఇష్టం వచ్చినట్లు తాకాడు. ఇలా చేయడం వల్ల వారు ఎంతో అసౌకర్యానికి గురయ్యారు.

అంతే కాకుండా టాస్క్ లో ఇలా చేస్తున్నట్లు కూడా గమనించుకోలేదు. ఆడవాళ్లు అని వారిని గుర్తించకుండా ఇష్టం వచ్చినట్లు తాకితే కలిగే ఇబ్బంది ఎలా ఉంటుందో గమనించుకోకుండా చేశాడు. ఇలా చేయడం సరైనది కాదని తెలిసినా ఇలా ప్రవర్తించడం అభిమానులకు అస్సలు రుచించడం లేదు.

ముఖ్యంగా పృథ్వీరాజ్ ను ఇప్పటికే నాగార్జున హెచ్చరించి ఉన్నాడు. నోరు అదుపులో పెట్టుకుని మాట్లాడాలని బూతులు మాట్లాడటం మానేయాలని ప్రవర్తన మార్చుకోవాలని చెప్పాడు. అయినా ఈ వారం టాస్కుల్లో ఇలానే ప్రవర్తిస్తుండటంతో ప్రేక్షకులు సైతం ఇబ్బంది పడుతున్నారు. కాగా టాస్క్ లో సంచాలక్ గా వ్యవహరించిన నబీల్ పై రెచ్చిపోయాడు. నాగ మణికంఠతో కూడా గొడవ పెట్టుకున్నాడు. నాగ మణికంఠను కొట్టినంత పని చేశాడు. దీంతో నాగ మణికంఠ కూడా ఎంట్రా చంపేస్తావా చంపు అంటూ రెచ్చిపోయాడు. గట్టి గట్టిగా అరిచేశాడు.

ఆడవాళ్ల పట్ల ఇష్టారీతిన ప్రవర్తించడం, నాగ మణికంఠను తిట్టడం, హౌస్ లో కంటెస్టెంట్ లపై విరుచుకుపడటం లాంటివి చేయడంతో అందరూ రెడ్ కార్డు తప్పనిసరి అనుకుంటున్నారు. అయితే తన క్లాన్ లోని సీత వచ్చి ఇలా చేయకూడదని చెబుతుంటే ఆమె పై కూడా గట్టిగా అరిచాడు. దీంతో ఆమె ఏడ్చుకుంటూ వెళ్లిపోయింది. నీతో ఎప్పుడు కూడా మంచి చెప్పనని నీవు ఎలా ఉన్న పట్టించుకోనని తెలిపింది. దీంతో పృథ్వీరాజ్ గురించి అందరూ మరింత నెగిటివిటీ పెంచేసుకున్నారు.