Premalu OTT : ‘ప్రేమలు’ ఓటీటీ రిలీజ్: మమితా బైజు నటించిన సినిమా ఎప్పుడు, ఎక్కడ చూడాలి

Premalu OTT

Premalu OTT : మలయాళ బ్లాక్ బస్టర్ ‘ప్రేమలు’ విషు వీకెండ్లో ఓటీటీ ప్లాట్ ఫాంలో ప్రేక్షకుల ముందుకు రానుంది. 12 ఏప్రిల్, 2024న విషు పండుగ సందర్భంగా డిస్నీ + హాట్ స్టార్ లో ‘ప్రేమలు’ విడుదల కానుంది. ఏప్రిల్ 12 అర్ధరాత్రి నుంచి తెలుగు, తమిళం, మలయాళం భాషల్లో ఈ మూవీ ప్రేక్షకుల ముందుకు రానుంది. ఓటీటీ రిలీజ్ కోసం అంచనాలు పెరుగుతున్నప్పటికీ హిందీ, కన్నడ వెర్షన్లకు సంబంధించిన వివరాలు వెల్లడి కాకపోవడంతో మేకర్స్ నుంచి కన్ఫర్మేషన్ కోసం అభిమానులు ఆసక్తిగా ఎదురుచూస్తున్నారు.

గిరీష్ ఏడీ దర్శకత్వం వహించిన ఈ చిత్రం మొదట 9 ఫిబ్రవరి, 2024న ప్రపంచ వ్యాప్తంగా థియేటర్లలో ప్రదర్శించబడింది. వేగంగా మలయాళ సినిమా చరిత్రలో అత్యధిక వసూళ్లు సాధించిన చిత్రాల్లో ఒకటిగా నిలిచింది. వర్ధమాన తారలు నస్లెన్, మమితా బైజు నటించిన ఆహ్లాదకరమైన రొమాంటిక్ కామెడీని అభిమానులు తమ ఇళ్లలోనే చూడొచ్చు.

సింపుల్ కథాంశంతో తెరకెక్కిన ‘ప్రేమలు’ తన అసాధారణ నటనతో, ఆకట్టుకునే కథనంతో, సోషల్ మీడియా మీమ్స్ తో నిండిన ఉదారమైన హాస్యంతో ప్రపంచ వ్యాప్తంగా భారీ వ్యూవ్స్ దక్కించుకుంది.

నస్లెన్, మమితా బైజు జంటగా నటించిన కామెడీ డ్రామా చిత్రం ‘ప్రేమలు’. ఫిబ్రవరి 9న థియేట్రికల్ రిలీజ్ అయ్యింది. గిరీష్ ఏడీ దర్శకత్వం వహించిన ఈ చిత్రం 50 రోజుల్లోనే ప్రపంచ వ్యాప్తంగా రూ.128 కోట్లకు పైగా వసూలు చేసి ఆల్ టైమ్ బ్లాక్ బస్టర్ గా నిలిచింది.