Prathinidhi 2 Teaser Lunch By Megastar Chiranjeevi
Prathinidhi 2 Teaser : హీరో నారా రోహిత్ సినిమా సక్సెస్, ఫెయిల్ పై ఎక్కువగా ఎవరూ పట్టించుకోరు. ఆయన హీరోగా చేస్తున్నాడంటే చాలు కథలో ఏదో క్రిస్పీ యాడ్ అవుతుందన్నట్లే. పోలీస్ క్యారెక్టర్ లేదంటే ఇన్విస్టిగేషన్ మోడ్ లో ఆయన సినిమాలు కొనసాగుతాయి. కుర్చీ ఎడ్జ్ పై కూర్చోబెట్టడంలో రోహిత్ ఎప్పుడూ సక్సెస్ అవుతూనే ఉంటాడు. అలాంటి కథతో మరో సారి రాబోతున్నాడు.
హీరోగా ప్రముఖ జర్నలిస్ట్ మూర్తి దేవగుప్త దర్శకత్వంలో వానర ఎంటర్టైన్మెంట్స్, రానా ఆర్ట్స్ సంయుక్తంగా నిర్మిస్తున్న చిత్రం ‘ప్రతినిధి 2’. ఈ సినిమా విడుదలకు సిద్ధమవుతున్న తరుణంలో మేకర్స్ టీజర్ ను విడుదల చేసి ప్రచార కార్యక్రమాలను ప్రారంభించారు. టీజర్ ను మెగాస్టార్ చిరంజీవి విడుదల చేశారు.
Nara Rohit Prathinidhi 2 Movie
ఈ టీజర్ సినిమా నేపథ్యాన్ని చూపించేలా ఉంది. పొలిటికల్ ఎలిమెంట్స్ ఉన్న పర్ఫెక్ట్ టీజర్ ఇది. అవినీతి రాజకీయ నాయకులపై పోరాటం మొదలుపెట్టిన టీవీ జర్నలిస్ట్ గా నారా రోహిత్ కనిపించారు. ఈ క్రమంలో ఎన్నో సవాళ్లను, బెదిరింపులను ఎదుర్కొంటాడు. అయితే, అన్ని పరిస్థితులను తట్టుకొని నిలబడతాడు. రాష్ట్రంలో జరుగుతున్న అభివృద్ధి పనులపై రాజకీయ నాయకుడిని ప్రశ్నించడం, ఓటు వేయాలని పౌరులను హెచ్చరించే చివరి సన్నివేశం గమనార్హం.
నారా రోహిత్ పవర్ ప్యాక్డ్ పెర్ఫార్మెన్స్ తో అదరగొట్టాడు. ఆయన డైలాగ్ డెలివరీ మచ్చలేనిది. రాష్ట్రంలోని ప్రస్తుత పరిస్థితులకు అద్దం పట్టే డిఫరెంట్ కాన్సెప్ట్ తో మూర్తి దేవగుప్పు ఈ చిత్రాన్ని రూపొందిస్తున్నారు.
ఈ చిత్రానికి నాని చమిడిశెట్టి సినిమాటోగ్రఫీ అందిస్తుండగా, మహతి స్వర సాగర్ సంగీతం అందిస్తున్నారు. ఏప్రిల్ లో ‘ప్రతినిధి 2’ విడుదల కానుంది.
