NTR-Prashant Neel : ఎన్టీఆర్ తో ప్రశాంత్ నీల్ ప్రయోగం? సక్సెస్ ఛాన్స్ ఎక్కువే!

NTR-Prashant Neel

NTR-Prashant Neel : ‘కేజీఎఫ్’తో దేశాన్ని ఉర్రూతలూగించిన స్టార్ డైరెక్టర్ ప్రశాంత్ నీల్ డిసెంబర్ లో ‘సలార్’ ద్వారా మరో సూపర్ హిట్ కొట్టిన సంగతి తెలిసిందే. రాకింగ్ స్టార్ యష్ తో చేసిన యాక్షన్ కథను రెండు భాగాలుగా విభజించారు. మొదటి భాగం 2018లో రాగా, రెండో భాగం 2022లో వచ్చింది. ఇక ‘సలార్’ విషయానికి వస్తే రెండేళ్లుగా నిర్మాణంలో ఉన్న ఈ సినిమా మొదటి భాగం ‘సలార్: సీజ్ ఫైర్’ను డిసెంబర్, 2023లో విడుదల చేశాడు. రెండో భాగానికి సంబంధించి షూటింగ్ ప్రారంభిస్తానని నీల్ వెల్లడించాడు.

ఫిల్మ్ మేకింగ్ లో తనకంటూ ఓ ప్రత్యేక శైలి సంపాదించుకున్నాడు ప్రశాంత్ నీల్. ఆయన మేకింగ్ అన్ని సినిమాలకంటే భిన్నంగా ఉంటుంది. హీరోలకు మాస్ ఎలివేషన్స్ ఇవ్వడంలో ఆయన తర్వాతే ఎవరైనా అనడంలో ఎలాంటి సందేహం లేదు. ‘కేజీఎఫ్’పై ఎన్ని విమర్శలు వచ్చినా రెండు భాగాలు కలిపి దాదాపు రూ. 2000 కోట్లు రాబట్టగా, ‘సలార్’ మొదటి భాగం రూ. 700 కోట్లకు పైగా వసూళ్లు సాధించింది. ‘సలార్ 2’ తర్వాత ప్రశాంత్ నీల్ యంగ్ టైగర్ ఎన్టీఆర్ తో ఒక సినిమా చేయబోతున్నాడు. ఈ సినిమాను ఎప్పుడో అనౌన్స్ చేశారు. ‘ఉగ్రం’, ‘కేజీఎఫ్’, ‘సలార్’ ఇలా ఏ సినిమా అయినా నీల్ అదే శైలిని అనుసరిస్తూ మాఫియా బ్యాక్ డ్రాప్ తో తెరకెక్కాయి.

ఎన్టీఆర్ ప్రాజెక్ట్ తో ఆయన కంఫర్ట్ జోన్ నుంచి బయటకు రాబోతున్నారని సమాచారం. ఇది పూర్తిగా కొత్త జానర్ లో ఉండబోతుందని, నీల్ కు ఇది ఒక ప్రయోగం కాబోతోందని సమాచారం. ఈ మూవీకి యంగ్ స్టార్ కూడా గ్రీన్ సిగ్నల్ ఇచ్చాడని, ఎన్టీఆర్ ను డిఫరెంట్ షేడ్స్ లో ప్రెజెంట్ చేస్తారని సమాచారం. ప్రస్తుతం ‘దేవర’, ‘వార్ 2’ చిత్రాల్లో నటిస్తున్న ఎన్టీఆర్ ను ఎలా చూపిస్తాడో చూడాలి. ఈ రెండు సినిమాలు పూర్తయిన తర్వాత ప్రశాంత్ నీల్ ప్రాజెక్ట్ మొదలవుతుంది. పవర్ ఫుల్ ప్రశాంత్ నీల్ సినిమాలో ఎన్టీఆర్ ను చూడాలని అభిమానులతో సహా అందరూ ఉవ్విళ్లూరుతున్నారు.

‘వార్ 2’ తర్వాత ఎన్టీఆర్ కి నార్త్ లో విపరీతమైన ఫాలోయింగ్ వస్తుంది. రాబోయే సినిమాలకు ఈ ఫాలోయింగ్ మరింత క్రేజ్ గా మారుతుంది.