CBN-Prashant Kishore:ఊహించ‌ని ప‌రిణామం..చంద్ర‌బాబు నివాసానికి ప్ర‌శాంత్ కిషోర్?
CBN-Prashant Kishore:ఏపీ రాజ‌కీయాల్లో గ‌త కొన్ని రోజులుగా నాట‌కీయ ప‌రిణామాలు చోటు చేసుకుంటున్నాయి. ఇటీవ‌ల జ‌రిగిన `యువ‌గ‌ళం -న‌వ‌శ‌కం` వేదిక సాక్షిగా టీడీపీ, జ‌న‌సేన మ‌రోసారి ఎన్నిక‌ల్లో క‌లిసి బ‌రిలోకి దిగుతున్నాయ‌ని, జ‌న‌సేన, టీడీపీ పొత్తు చారిత్ర‌క అవ‌స‌ర‌మ‌ని టీడీపీ జాతీయ అధ్య‌క్షుడు నారా చంద్ర‌బాబు నాయుడు స్ప‌ష్టం చేయ‌డం తెలిసిందే. అయితే వీరిద్ద‌రి మ‌ధ్య ఇప్ప‌టి వ‌ర‌కు సీట్ల పంపిణీ విష‌యం ఇంకా కొలిక్కి రాలేదు కానీ వ‌చ్చే ఎన్నిక‌ల్లో మాత్రం వీరిద్ద‌రు కలిసిపోటీకి దిగ‌డం ఖాయ‌మ‌ని తేలిపోయింది.
ఇదిలా ఉంటే టీడీపీ అధినేత చంద్ర‌బాబు నాయుడు ఇంటికి ఎన్నిక‌ల ప్యూహ‌క‌ర్త ప్ర‌శాంత్ కిష‌క్ష‌ర్ రావ‌డం ఆస‌క్తిక‌రంగా మారింది. శ‌నివారం ప్ర‌త్యేకంగా చంద్ర‌బాబు నివాసానికి వెళ్లిన ప్ర‌శాంత్ కిషోర్ ఆయ‌న‌తో ప్ర‌త్యేకంగా భేటీ కావ‌డం ఏపీ రాజ‌కీయాల్లో చ‌ర్చ‌నీయాంశంగా మారింది. శ‌నివారం మ‌ధ్యాహ్నం గ‌న్న‌వ‌రం విమానాశ్ర‌యంలో నారా లోకేష్‌తో క‌లిసి ప్ర‌శాంత్ కిషోర్ క‌నిపించారు. అనంత‌రం వీరిద్ద‌రూ క‌లిసి ఒకే వాహ‌నంలో ఉండ‌వ‌ల్లిలోని చంద్ర‌బాబు నివాసానికి బ‌య‌లుదేరి వెళ్లారు.
చంద్ర‌బాబు నివాసానికి చేరుకున్నారు. అనంత‌రం ప్ర‌శాంత్ కిషోర్‌తో పాటు షోటైమ్ క‌న్స‌ల్టెన్సీ పేరిట తేదేపార‌కు రాజ‌కీయ ప్యూహ‌క‌ర్త‌గా ఉన్న రాబిన్ శ‌ర్మ టీం సభ్యులు సైతం చంద్ర‌బాబుతో స‌మావేశం అయ్యారు. వైసీపీకి ఎన్నిక ప్యూహ‌క‌ర్త‌గా వ్యవ‌హ‌రించిన ప్ర‌శాంత్ కిషోర్ ఉన్న‌ట్టుండి చంద్ర‌బాబుతో స‌మావేశం కావ‌డం ఊహించ‌ని ప‌రిణామం. దీంతో వీరి క‌ల‌యిక ఇప్పుడు ఏపీ రాజ‌కీయాల్లో హాట్ టాపిక్‌గా మారింది.
